Путин и Ким / Фото EPA-EFE/VLADIMIR SMIRNOV / SPUTNIK
Западните и јужнокорејските експерти веруваат дека повеќе од 2,5 милиони парчиња муниција и друга опрема за употреба во војната во Украина се префрлени од Северна Кореја во Русија во последните месеци.
Американскиот истражувачки Центар за стратешки и меѓународни студии „откри“ како муницијата се пренесува од севернокорејските пристаништа во руските и како таа завршува на фронтот.
Конкретно, со помош на сателити, Американците забележале зголемено движење на чамци меѓу крајбрежниот град и пристаништето Најин во Северна Кореја и руските пристаништа Дунај и Восточни.
Се верува дека овие бродски патувања резултирале со трансфер на повеќе од 2,5 милиони артилериски гранати и друга муниција досега.
Секако, оваа информација уште еднаш докажува колку е продлабочена воената соработка меѓу министерствата за одбрана на Северна Кореја и Русија во време кога руско-украинската војна е во критична фаза, додека повеќе од 50 земји го вооружуваат Киев од февруари 2022 година.
