Многумина не можат да замислат ден без кафе. Всушност, многу луѓе се чувствуваат како да не можат да функционираат додека не испијат шолја кафе веднаш по будењето.
Умереното консумирање кафе има некои изненадувачки позитивни здравствени придобивки, главно поради високиот процент на полифеноли. Но, содржи и кофеин, стимуланс кој може да влијае на нервниот систем и да предизвика силна вознемиреност.
Дали кафето навистина предизвикува или ја влошува анксиозноста?
Дали вашата утринска шолја кафе е на крајот виновна за тоа вознемирено чувство? Одговорот може да биде убедливо да – ако пиете многу кафе. „Да, кафето со кофеин може да предизвика стрес и анксиозност кога се консумира во големи дози – повеќе од четири шолји дневно“, вели д-р Бегдаче.
Поврзани објави
Лекарот објаснува дека кофеинот е стимуланс на централниот нервен систем, а големите дози ќе го престимулираат нервниот систем. Затоа, може да биде корисно да го намалите дневниот внес на кафе.
Д-р Бегдаче вели дека обично се потребни повеќе од четири шолји кафе за да се доживеат негативни ефекти како што е анксиозноста. Сепак, некои луѓе се чувствуваат многу вознемирени откако ќе испијат само една шолја. Во овој случај, докторот објаснува дека „некои докази сугерираат дека варијациите на одредени гени (гените ADORA2A и CIP1A2) кои го контролираат заморот и го метаболизираат кофеинот се одговорни за анксиогеното дејство на кофеинот“.
Со други зборови, вашите гени можеби се виновни зошто се чувствувате вознемирени дури и по мала шолја кафе. Ако и вие припаѓате на оваа група, тогаш дефинитивно треба да избегнувате кофеин.
Пиењето кафе на празен стомак може да може да направи стресот и анксиозноста да бидат поизразени. Специјалистите препорачуваат да пиете кафе после јадење, или барем да го мешате со млеко богато со масти и протеини за да ги држите под контрола хормоните на стрес.
