Нема уште многу до претставувањето на новата iPhone 15 серија, а како и обично, повеќето информации кои се најважни се неофицијално објавени. Марк Гурман од Bloomberg, како главниот извор на информации од Apple, ги објави новините кои може да се очекуваат и на еден начин ги потврди досегашните информации.
Тој истакнува дека „сонот“ на Apple да има телефон без никакви рамки околу екранот е започнат со iPhone X во 2017, па постепено продолжува неговото остварување, а оваа година ќе бидат уште поблиску.
Рамките на iPhone 15 Pro моделите ќе бидат намалени на 1,5 милиметри од сегашните 2,2 и со тоа изгледа ќе бидат најтенките рамки на пазарот, барем одреден период. Ова ќе биде постигнато со користење на LIPO процесот кој Apple првпат го користи кај Apple Watch 7 и намалувањето на рамките на овој часовник.
Стандардните iPhone 15 модели не се очекува да ги имаат овие рамки, но затоа веќе нема да го имаат исечокот на екранот и ќе го добијат ланскиот Dynamic Island исечок, заедно со ланскиот A16 чип, а се очекуваат подобрувања и кај камерите.
За сите модели се очекува користење на USB-C приклучокот, па конечно корисниците на Apple нема да мора да користат различни кабли за уредите кои ги имаат.
Другите новини кои ќе бидат дел од iPhone 15 Pro моделите ги вклучуваат и титаниум кај рамката од страните на уредот која ќе биде малку заоблена на страните, поголеми подобрување кај камерите, „акциско“ копче на местото на преклопникот за тивок режим и зголемување на цените надвор од САД.
Гурман исто така додава дека не треба многу да се очекува од Apple Watch 9 и Watch Ultra 2, но затоа овие часовници ќе добијат нов чип кој треба да донесе подобрување на перформансите.
