Почетна Убавина и здравјеСнимен како ѝ го крева здолништето на жена на филмскиот сет – Убавина и здравје

Снимен како ѝ го крева здолништето на жена на филмскиот сет – Убавина и здравје

од nenad
2 минути читај за

Нова спорна снимка на која, според медиумските наводи, се гледа како францускиот актер Жерар Депардје ѝ го крева здолништето на жена на филмски сет предизвика бурни реакции на социјалните мрежи. Видеото се прошири во период кога актерот повторно е во фокусот на јавноста поради судскиот случај во кој беше осуден за сексуално вознемирување.

На снимката, чие потекло и автентичност засега не се потврдени, наводно се гледа како 77-годишниот актер посегнува кон здолништето на жена која стои зад него. Според објавите во медиумите, станува збор за статистка на филмски сет.

Снимката предизвика низа остри коментари, а дел од корисниците побараа одговорност и од продукциската екипа, прашувајќи зошто никој не ја заштитил жената што се појавува во видеото.

Судска пресуда и повлечена жалба

Депардје веќе беше осуден во мај 2025 година, кога парискиот суд го прогласи за виновен за сексуално вознемирување на две жени за време на снимањето на филмот „Les Volets Verts“ во 2021 година. Едната работела како фризерка, а другата како помошничка на режисерот. Судот му изрече 18 месеци условна затворска казна и нареди негово впишување во францускиот регистар на сексуални престапници.


Поврзани објави

Актерот ги негираше обвиненијата во текот на постапката и најави жалба. Сепак, според информациите на агенцијата „Франс прес“ (AFP), тој ја повлекол жалбата, со што нема да дојде до повторно разгледување на овој случај пред апелациониот суд. Причината за неговата одлука засега не е позната.

Против него има и други обвиненија

Проблемите на Депардје не се ограничени само на овој случај. Актерката Шарлот Арно го обвини за силување, тврдејќи дека нападот се случил кога имала 22 години. Депардје ги негира обвинувањата и тврди дека односот бил доброволен.

Во октомври 2023 година, во отворено писмо објавено во францускиот весник „Фигаро“, актерот категорично ги отфрли обвинувањата: „Никогаш, ама баш никогаш, немам сексуално нападнато ниту една жена“.

Неговото име повторно беше во центарот на јавната дебата и по емитувањето документарен филм со снимки од неговото патување во Северна Кореја во 2018 година, на кои се слушаат вулгарни и непристојни коментари за жените.

Новата снимка повторно ги отвори прашањата за однесувањето на актерот, но и за одговорноста на филмските екипи да обезбедат сигурна работна средина за сите што учествуваат во снимањето.

Видео: Х