Table of Contents
Добри вести – високите рамни чизми повторно се во мода
Оваа сезона на модната сцена повторно се враќа безвременскиот модел чизми што жените го обожаваат. Високите чизми со едноставни линии, без потпетица или со сосема ниска потпетица, оваа есен и зима се моден избор број еден. Повторно се во центарот на вниманието бидејќи ги спојуваат двете работи што ги бараме од секојдневните обувки – елегантен изглед и практичност.
Овој модел освојува со својата едноставна силуета и чисти линии. Меѓу најпопуларните се класичните црни чизми и моделите во кафеави нијанси, без непотребни детали. Дискретната тока или ременот им даваат дополнителен шарм, без да ја нарушат нивната елегантна естетика.
Најлесно се комбинираат со фармерки
Високите чизми со рамен ѓон лесно се вклопуваат со фармерки и џемпер или сако, а долг капут ќе ја заокружи комбинацијата со која без многу труд ќе изгледате средено.
Ако сакате чизмите да дојдат до израз, изберете тесни фармерки што можете да ги вовлечете во нив.
Поврзани објави
Со фустан изгледаат уште подобро
Високите чизми со рамен ѓон лесно се вклопуваат и во поелегантни комбинации. Одлично се комбинираат со плетени миди-фустани и здолништа од меки, лелеави материјали.
Во комбинација со едноставен црн фустан создаваат ненаметлив и елегантен изглед, без потреба од високи потпетици.
Црни или кафеави?
Ако барате модел што лесно ќе го комбинирате со поголемиот дел од гардеробата, црните чизми се најсигурниот избор. Кафеавите модели, особено во чоколадни, костенливи и коњак нијанси, внесуваат топлина во комбинацијата и одлично се согласуваат со беж, кремави, бордо и маслинести тонови.
Предноста на високите чизми со рамен ѓон е и нивната безвременост. Благодарение на едноставниот крој и лесното комбинирање, квалитетниот пар може да остане дел од вашата гардероба со години, па затоа вреди да се инвестира во него.
ФОТО: ИНСТАГРАМ
