Помеѓу Хари и Вилијам и понатаму постои голема тензија и за сега немаат намера да се смират
Набргу откако се прошири веста дека Меган Маркл и принцот Хари наводно ќе им се извинат на Кејт Мидлтон и принцот Вилијам за низата јавни обвинувања што ги изнесоа во интервјуто со Опра Винфри, пристигна спротивен одговор од војводата и војвотката од Сасекс.
Принцот Хари и Меган Маркл не планираат да им се извинат на принцот Вилијам и Кејт Мидлтон, тврди извор за магазинот People.
Британскиот весник Express пред неколку дена објави дека војводата и војвотката од Сасекс ќе им се извинат на принцот и принцезата од Велс за своите изјави, опишувајќи го наводниот потег како дел од пошироките напори за помирување.
Особено се истакнуваше дека извинувањето би се однесувало на изјавата на Меган Маркл дека одредени членови на кралското семејство биле загрижени за тоа каква боја на кожа ќе има нејзиниот и синот на Хари, Арчи Харисон. Да се потсетиме, војводата и војвотката од Сасекс во 2021 година изнесоа низа обвинувања на сметка на кралското семејство, вклучувајќи ги неговите најистакнати членови – кралот Чарлс, Кејт Мидлтон и принцот Вилијам.
Меган тогаш не именуваше конкретен член на семејството кога зборуваше за расизмот. Сепак, Оми́д Скоби, кој долго време важеше за неофицијален ПР на војводата и војвотката, во својата книга Endgame од 2023 година напиша дека расистичките коментари ги упатиле Кејт Мидлтон и Чарлс Трети, што предизвика шок во светската јавност.
Хари и Меган веднаш се оградија од контроверзната книга, а од продажба беа повлечени примероците во кои Кејт и кралот беа обвинети за расизам. Важно е да се напомене дека тие наводи се појавија само во примероците на книгата на холандски јазик.
Во меѓувреме, принцот Хари во интервју за ITV истакна дека не смета оти британското кралско семејство е склоно кон расизам.
По големите скандали и најавите за наводно извинување, извор близок до Хари и Меган за People изјавил дека тврдењата за потенцијално „извини“ се – бесмислици.
Поврзани објави
Веста доаѓа во момент кога односот меѓу двата пара повторно е во центарот на вниманието, по враќањето на Хари и Меган во Обединетото Кралство со нивните деца, принцот Арчи (7) и принцезата Лилибет (5).
Иако Хари постигнал одреден напредок во односот со својот татко, кралот Чарлс, слична ситуација не се случила и во односот со Вилијам, кој неодамна се појави на гала-настан со сопругата Кејт Мидлтон.
„Нема никаков напредок, особено не од страна на Вилијам“, изјавил изворот претходно.
Во интервју за BBC во мај 2025 година, Хари изјави дека „би сакал да се смири со семејството“, истовремено признавајќи дека во тој момент меѓу нив сè уште постоеле длабоки тензии.
Тие тензии продолжиле неколку години откако Хари и Меган се повлекоа од кралските должности во 2020 година, а потоа следуваа интервјуто со Опра Винфри во 2021 година, документарната серија за Netflix и објавувањето на мемоарите на Хари, Spare, во 2023 година.
Односите повторно се најдоа под лупа откако двајцата кон крајот на август се вратија во Велика Британија на подолг престој.
„Ситуацијата дополнително се влоши. Додека Хари и Меган беа во Калифорнија и сето тоа го набљудуваа од далечина, работите не можеа да се видат толку јасно. Но, сега сето тоа им е непосредно пред очите“, изјавил за People извор од палатата.
И покрај тоа што заладените односи и натаму се присутни, изворите не ја исклучуваат можноста односот меѓу браќата со текот на времето да се промени.
ФОТО: ИНСТАГРАМ
