Table of Contents
Ретроградната Венера до 13 ноември носи преиспитување на љубовта и вредностите за пет хороскопски знаци
Ретроградната Венера, од 3 октомври до 13 ноември, носи период на преиспитување, особено кога станува збор за љубовта, односите и личните вредности. Она што до вчера ви изгледало сосема јасно, сега може да почне да добива поинаква слика, па не е необично повторно да се појават некои стари емоции или да почнете да размислувате за одлуки што одамна сте ги донеле.
За пет хороскопски знаци овој период би можел да биде особено интензивен. Jарецот, терезијата, стрелецот, рибите и лавот ќе се соочат со прашања што можеби долго ги туркале на страна. Некои ќе ја преиспитуваат врската и подготвеноста за сериозно обврзување, други сопствената вредност, а трети ќе мора да се навратат на минатото за подобро да го разберат она што им се случува во сегашноста.
Во астрологијата, ретроградната Венера се поврзува со враќање на старите теми, преиспитување на емоциите и промена на погледот кон односите. Затоа, следните недели можат да бидат повеќе период за размислување отколку за носење големи и конечни одлуки.
Јарец
Јарците сакаат да знаат на што се. Кога ќе донесат одлука, се потпираат на разумот, планот и на она што можат да го контролираат. Но кога станува збор за емоциите, работите не се секогаш толку едноставни. Од 3 октомври може да почнете да го преиспитувате она во кое до неодамна сте биле целосно сигурни. Ако сте во врска или се движите кон посериозен однос, можно е да се запрашате дали навистина сакате да го направите следниот чекор.
Тоа не мора автоматски да значи крај на односот. Напротив, ова може да биде можност да застанете и искрено да размислите што навистина сакате. Дали нешто во врската ве кочи или едноставно сфативте дека вашите вредности се промениле? Не обидувајте се да го најдете одговорот само преку логиката. Дајте си време да разберете што чувствувате и не брзајте со конечни одлуки.
Терезија
Терезиите во овој период би можеле да се соочат со несигурност поврзана со сопствената вредност. Можно е да се запрашате дали заслужувате одредена врска, работа, можност или вниманието што го добивате. Ретроградната Венера отвора токму такви прашања, но одговорот не треба да го барате во мислењето на другите за вас. Важно е самите да ја препознаете сопствената вредност.
Ако изминативе месеци сте биле премногу строги кон себе, сега е вистинскиот момент да го промените начинот на кој разговарате со себе. Наместо постојано да ги анализирате сопствените грешки, обидете се да го видите и она што сте успеале да го постигнете. Не треба никому да му докажувате дека вредите. Најважно е самите да поверувате во тоа.
Поврзани објави
Стрелец
Стрелците не сакаат долго да се задржуваат на непријатните теми. Кога ќе се појави проблем, често им е полесно да продолжат понатаму отколку да се враќаат на она што било. Ретроградната Венера сега би можела да го промени тој образец. Старите врски, нерасчистените емоции или искуствата од минатото повторно може да дојдат во фокус.
Тоа не значи дека треба да му се вратите на некого од минатото. Повеќе станува збор за разбирање на тоа како претходните искуства влијаеле врз вашите сегашни одлуки. Можеби поради едно лошо искуство сте станале повнимателни отколку што сакате да признаете. Можеби стравот дека повторно ќе ја направите истата грешка ве спречува да се обидете уште еднаш. Овој период може да ви помогне да го раздвоите она што навистина се случило од стравот дека истото би можело повторно да се случи. Не мора да го игнорирате минатото, но не мора ни да му дозволите да одлучува наместо вас.
Риби
Ретроградната Венера во овој период ги соочува рибите со теми што не можат лесно да ги избегнат. Нешто во што до неодамна сте биле сигурни одеднаш може да почне да изгледа помалку извесно. Можеби станува збор за љубовна врска, важна одлука или за правецот во кој сакате да продолжи вашиот живот. Наместо веднаш да се обидете да го најдете конечниот одговор, обидете се да ја слушате интуицијата, но истовремено обрнете внимание и на конкретните факти.
Рибите често силно го чувствуваат она што се случува околу нив, но во овој период би можеле да имаат потреба да ја разграничат интуицијата од сопствените стравови и очекувања. Не сите одговори ќе стигнат веднаш. Ретроградната Венера трае до 13 ноември, па имате доволно време постепено да ја согледате ситуацијата и да сфатите што навистина сакате.
Лав
За лавовите овој период би можел да покаже што им недостасува во животот – страст. Тоа не мора да биде поврзано само со љубовта. Може да се однесува и на работата, креативноста, секојдневието или на нешто друго што некогаш ви носело задоволство. Ако во последно време имате чувство дека правите работи по навика, а не затоа што навистина ве исполнуваат, ретроградната Венера може да ве поттикне да застанете и да се запрашате што сакате да промените.
Можеби ви е потребна нова енергија во врската, поинаков пристап кон работата или едноставно повеќе време за она што ве прави среќни. Не мора сè да промените преку ноќ. Доволно е да препознаете каде се чувствувате заглавено и да го направите првиот чекор. До 13 ноември фокусот би можел да биде токму на враќање на самодовербата и на повторното пронаоѓање на она што ви буди чувство на задоволство.
