Table of Contents
По една година чување на врската далеку од очите на јавноста, водителката сега без двоумење споделува романтични моменти со менаџерот Јане Јанев
Цеце Николова ужива во ново романтично поглавје, а овојпат љубовните моменти ги сподели од сончев Кипар. Водителката отпатувала на островот со својот партнер, менаџерот Јане Јанев, со кого во јавноста првпат се појави пред неполни два месеца, иако нивната љубовна приказна трае многу подолго.
Двојката избрала Аја Напа за својата есенска дестинација, а според фотографиите што ги објавила Цеце, деновите ги поминувале во вистински летен амбиент – покрај море, на плажа и во романтични прошетки.
Од една година во приватност до романтично патување
Цеце и Јане врската долго време ја чувале само за себе. Таа дури по една година откри дека е заљубена, споделувајќи ја нивната приказна со јавноста по повод првата годишнина од врската. Оттогаш, водителката повремено објавува заеднички фотографии, а сега покажа и како изгледа нивното романтично бегство на Кипар.
На фотографиите двајцата се опуштени и видно расположени, а во еден од моментите разменуваат нежности додека уживаат во морето.
Поврзани објави
Крстарење до Blue Lagoon
Освен престојот во Аја Напа, Цеце и Јане се упатиле и на крстарење до познатата Blue Lagoon. Токму од таму водителката споделила фотографии од нивното уживање во тиркизните води на Средоземното Море. Наместо класични туристички кадри, во објавите доминираат интимни и романтични моменти од патувањето, со кои Цеце покажа дека денес многу послободно ја споделува својата среќа.
Љубовта првпат ја покажа во август
За потсетување, Цеце Николова кон крајот на август првпат јавно потврди дека е во врска со Јане Јанев.
Тогаш сподели фотографии од нивното летување во Грција, со што стави крај на едногодишното чување на љубовта далеку од јавноста.
Сега, само неколку недели подоцна, парот продолжи со патувањата, а Кипар се покажа како совршена дестинација за нивното романтично есенско бегство.
Фото: Printscreen Instagram
