Пејачката искрено зборуваше за семејните трагедии кои оставиле длабока трага врз неа и откри што ѝ помогнало да продолжи понатаму.
Името Лепа Брена со децении се поврзува со големи сцени, концерти и живот под рефлектори. Но, зад успешната кариера стоеле и моменти за кои пејачката зборува со особена тежина, особено кога станува збор за загубата на најблиските.
Брена се потсетила на својот татко Абид Јахиќ, кој починал во 2010 година, откако бил удрен од автобус и им подлегнал на повредите здобиени во несреќата. За неа, тоа бил особено тежок удар, а само четири години подоцна се соочила и со загубата на мајка ѝ.
Токму ваквите моменти, како што открила пејачката, ѝ покажале дека животот не е секогаш онаков каков што изгледа од сцената. И покрај популарноста и успехот, семејните проблеми и загубите оставаат трага кај секого.
Поврзани објави
Во тешките периоди Брена најголема сила наоѓала во своето семејство. Таа нагласила дека токму нивната поврзаност ѝ помогнала да ги издржи најтешките моменти, а голема поддршка добивала и од своите деца и од публиката.
Животот знае да биде и напорен и суров, тој не е бајка“, порачала пејачката, посочувајќи дека човекот најмногу страда кога проблемите ќе го погодат семејството.
И покрај тоа што голем дел од животот го поминува пред јавноста, Брена вели дека се труди дел од приватноста да го зачува само за себе и своите најблиски. Токму семејството, но и љубовта што ја добива од публиката, ѝ биле потсетник дека и по најтешките периоди може да се продолжи напред.
Screenshot youtube
