Од љубовта кон рокенролот и јогата до семејниот живот со сопругот Благоја и двете деца – детали од приватниот свет на македонската претседателка.
Гордана Сиљановска-Давкова во мај 2024 година стана првата жена избрана за претседателка на Македонија. Пред да ја преземе највисоката државна функција, таа со децении беше позната како професорка по уставно право и политички систем на Правниот факултет во Скопје. Родена е во Охрид, а основното и средното образование ги завршила во Скопје. Во 1994 година докторирала со „Cum laude“ на Правниот факултет во Љубљана.
Надвор од академската и политичката кариера, за неа во јавноста со години се објавуваат и детали од приватниот живот. Таа е во брак со Благоја Дaвков, со кого има две деца – Марија и Павле. Во постари медиумски интервјуа и профили е опишувана како вегетаријанка, љубителка на јогата и голем обожавател на музиката, особено на рокенролот.
Поврзани објави
Нејзината политичка кариера започнала уште во раните 1990-ти. Била член на Уставната комисија на Собранието, а од 1992 до 1994 година била министер без ресор во владата на Бранко Црвенковски. Подоцна продолжила со академската кариера и во 2004 година била избрана за редовна професорка. Официјалната биографија наведува дека е автор или коавтор на повеќе од 200 трудови од областа на правото и политичкиот систем.
Денес нејзиниот јавен лик е тесно поврзан со претседателската функција, но фотографиите и старите објави од периодот пред политичкиот врв покажуваат и една поинаква страна од нејзиниот живот. Од младоста, преку професорските години, до семејните моменти и интересите надвор од политиката – дел од тие детали и денес привлекуваат внимание кај јавноста. Нејзината биографија, пак, покажува долг пат од академијата и првите политички ангажмани до функцијата шеф на државата.
Screenshot socijalni mrezi
