Познатиот „Министер за естрада“ сподели снимки од риболовот и откри каде најмногу се опушта кога не е на сцената.
Борче Наумовски, на македонската естрада познат и како „Министер за естрада“, покажа дека музиката не е единственото нешто во кое ужива. Фолк-пејачот сподели фотографии и видео од риболов, а главното внимание го привлече големиот улов.
На снимките Борче е во друштво на својот колега, а двајцата очигледно уживаат во денот поминат покрај вода. Пејачот не го криеше задоволството од риболовната авантура и порача дека повторно имал убав ден со „Баличот“.
Риболовот за Наумовски не е случајно хоби. Тој важи за голем љубител на оваа активност, а покрај риболовот ужива и во скијањето. И претходно знаел да сподели фотографии од своите улови, па очигледно ваквите моменти му се вистински одмор од естрадните обврски.
Објавите повторно предизвикаа бројни реакции кај неговите следбеници. Покрај коментарите за уловот, дел од нив го пофалија и за тоа што знае да ужива во различни активности и кога не е под сценските рефлектори.
Поврзани објави
А Наумовски зад себе има и период исполнет со музички ангажмани. Во текот на летото го одржа својот јубилеен концерт во Хераклеја, на кој настапија и негови колеги и пријатели од естрадата – Татјана Стефановска, Даниела Темелковска, Марјан Коцев, Миле Кузмановски и Трајче и Кате од „Соната“.
Неколку недели подоцна, на 24 август, Борче настапи и на градскиот плоштад во Куманово, каде ја претстави најновата песна „Битолските чупиња“. За песната самиот ги напишал музиката и текстот, додека аранжманот е на Кирил Стојчевски.
Screenshot youtube
