Интимната прослава на Наташа Беквалац беше исполнета со музика и смеа, а пејачката уживаше во друштвото на најблиските и во омилените хитови.
Наташа Беквалац го прослави својот 46. роденден во кругот на најблиските. Пејачката организира интимна прослава, но атмосферата беше исклучително весела и опуштена.
За својот роденден Наташа избра долг, тесен фустан, а во текот на целата вечер уживаше во славењето и друштвото на своите најблиски. Меѓу гостите беа нејзини блиски пријатели и соработници, а меѓу нив и Драган Брајовиќ Браја, кој е покрај Наташа уште од почетокот на нејзината кариера.
Браја стои зад некои од нејзините најголеми хитови, но има и посебно место во нејзиниот приватен живот – тој е нејзин кум. Токму Браја ја крстил нејзината ќерка Хана, која исто така присуствуваше на роденденската прослава. Наташа во повеќе наврати истакнувала дека Браја ѝ е голема поддршка и човек кој отсекогаш ја прифаќал таква каква што е, без да се обидува да ја менува.
Александра Пријовиќ ја развесели славеничката
Меѓу познатите гости беше и Александра Пријовиќ, која не пропушти да ѝ исполни неколку музички желби на славеничката. Една од песните со кои Наташа особено се веселеше беше „Sve po starom“ од Александра Пријовиќ.
@muzicka.scena 🫶🏼#foryoupage #foryou #aleksandraprijovic #natasabekvalac ♬ original sound – muzicka.scena
Подоцна и самата Беквалац го зеде микрофонот и отпеа неколку од своите големи хитови, дополнително подигнувајќи ја атмосферата на прославата.
Поврзани објави
@republika.zabava #aleksandraprijovic #natasabekvalac #malaledja ♬ original sound – Republika Zabava
На полноќ направија необичен „ритуал“
Како што се наближуваше полноќ, гостите направија и необична шега. Имено, еден од присутните пејачи го зеде микрофонот и почна да одбројува. Кога стигна до нулата, Наташа наместо класичното „Среќен роденден“ извика:
„Среќна Нова година!“
Неочекуваната реплика ги насмеа присутните и дополнително ја разубави атмосферата на интимната роденденска прослава.
Фото и видео: Инстаграм, Тикток
