Од помошта во првите недели со бебето до разговорите во тинејџерските години – истражувањата откриваат што ја прави оваа семејна врска толку силна
Не постои правило според кое децата мора да бидат поблиски со бабата и дедото од мајчина страна, но истражувањата укажуваат дека тоа често се случува. Причината не е една, туку е поврзана со начинот на кој семејството функционира, со улогата на мајката, но и со контактот што се воспоставува уште од најраните денови на детето.
Едно од објаснувањата е што мајките почесто ја организираат секојдневната грижа за децата, нивните активности и семејните контакти. Тоа може да значи и почеста комуникација со нивните родители. Сепак, големо влијание имаат и оддалеченоста, здравјето, финансиските можности, работните обврски и карактерот на бабите и дедовците, како и бројот на внуци на кои треба да им посветат внимание.
Поврзани објави
Врската може да стане особено силна уште по раѓањето. Бабата и дедото од мајчина страна почесто се вклучуваат во првите недели, а нивната помош може да биде значајна и за самата мајка. Освен практичната поддршка, нивното присуство создава повеќе можности за поминување време со новороденчето и постепено градење блискост. Поддршката од бабите и дедовците може да помогне и во намалување на чувството на осаменост и преоптовареност кај мајката.
Интересно е што оваа блискост може да продолжи и во тинејџерските години. Во истражување спроведено меѓу британски тинејџери, бабата од мајчина страна била издвоена како најважен член од поширокото семејство, а веднаш потоа бил дедото од истата страна. Тинејџерите особено ја ценеле нивната заинтересираност за училиштето, иднината и нивните проблеми. Сепак, на крајот најважен останува трудот вложен во односот – без оглед на која страна од семејството ѝ припаѓа бабата и дедото.
pexels – vnuci
