Идната македонска претставничка на детската Евровизија доби совети од пејачката која двапати ја претставуваше Македонија на големиот евровизиски натпревар.
Неочекуваната средба во Тетово донесе посебен момент за младата Ана Стојаноска. За време на својот настап таму, Каролина Гочева се сретна со девојчето кое наскоро ќе ја претставува Македонија на детската Песна на Евровизија.
Каролина добро знае што значи да се застане пред евровизиската публика. Таа двапати настапуваше за Македонија, со песните „Од нас зависи“ и „Мојот свет“, па со Ана споделила дел од своите искуства од најголемата европска музичка сцена.
Младата пејачка од Каролина добила и корисни совети за настапот кој ја очекува во декември на Малта. За Ана, средбата очигледно била посебна, па веднаш посакала заедно да се фотографираат.
Поврзани објави
Со ваква поддршка од искусна евровизиска претставничка, Ана сега ги продолжува подготовките за својот голем настап, на кој ќе има задача да ја претстави Македонија пред меѓународната публика.
Screenshot youtube
