Пејачот тврди дека не бил под нож, додека експерти забележуваат детали на лицето и вратот кои, според нив, може да укажуваат на естетски интервенции.
Рики Мартин повторно беше во центарот на вниманието за време на престојот во Венеција, каде што присуствуваше на Филмскиот фестивал. На премиерата на „Hombre al agua“ пејачот воодушеви со својот изглед, а неговото младешко лице повторно го отвори прашањето како успева да изгледа толку добро на 54 години.
Мартин во повеќе наврати негирал дека користел услуги на пластичен хирург и својот изглед го поврзува со добра нега на кожата, неинвазивни третмани и здрав начин на живот. Сепак, дел од естетските хирурзи кои ги анализирале неговите фотографии сметаат дека одредени промени може да упатуваат на затегнување на лицето и вратот.
Како можни знаци тие ги посочуваат пределот околу ушите и линијата на брадата. Истовремено, експертите забележуваат дека лицето на пејачот не изгледа замрзнато или неприродно, што остава простор и за можноста да користел посуптилни, нехируршки методи за затегнување и тонирање на кожата.
Без оглед на тоа дали зад неговиот изглед стојат само добри гени и навики или одредени естетски третмани, едно е очигледно – Мартин и понатаму ја задржува препознатливата харизма. Во Венеција тој не беше таму само како музичка ѕвезда, туку и како продуцент и актер со камео улога во „Hombre al agua“, филм во режија на Гаел Гарсија Бернал, кој ја толкува и главната улога.
Screenshot youtube
