Анонимен извор тврди дека принцот Хари се повлекол во себе, додека Меган Маркл продолжува да работи на проекти и да ја гради својата кариера
Додека се обележува петтата годишнина од Мегзит, животот на некогашниот принц Хари во Калифорнија изгледа сосема поинаку од тоа кога важеше за самоуверена кралска фигура. Тој веќе не е „резерва“ за британскиот престол, но многумина се прашуваат дали Хари станал „резерва“ во сопствениот брак со Меган Маркл.
Неговата изолација стана очигледна кога за хоспитализацијата на својот татко, кралот Чарлс Трети, дознал од медиумите како и остатокот од светот.
Хари и неговото семејство одамна не се во добри односи, а неговиот однос со брат му, принцот Вилијам, особено е нарушен – наводно, тие едвај комуницираат. Во 2023 година, Хари успеал само накратко да се види со татко му откако му дијагностицирале рак.
По Мегзит, Хари започнал нов живот, ослободен од кралските должности и посветен на приватните бизниси. Меѓутоа, сѐ повеќе се добива впечаток дека сега е „резерва“ и во сопствениот брак. Додека Меган го гради својот бренд As Ever, учествува во проекти на Нетфликс и развива подкасти, Хари се држи на страна.
„Прво му беше резерва на принцот Вилијам, а сега сѐ повеќе изгледа како резерва на Меган – и тоа не остава добар впечаток“, рекол анонимен извор за британскиот The Sun.
Хари по иселувањето од Британија изгубил многу пријатели и, наводно, веќе не е близок ни со роднината, принцезата Евгенија. Тие некогаш имале цврста врска, но откако Евгенија минатиот месец била видена во друштво на Пирс Морган, еден од најгласните критичари на Хари и Меган, нивното пријателство се оладило.
Неговиот социјален живот сега е многу помирен. Извори блиски на парот тврдат дека Хари ретко го напушта нивниот луксузен дом во Монтесити, а неговиот круг на пријатели се свел на сопрузите на пријателките на Меган.
Поврзани објави
Хари и Меган сѐ повеќе се движат по различни професионални патеки. Наводно, станува збор за „свесно професионално разделување“ – додека Меган води свои проекти, Хари сѐ повеќе паѓа во втор план. Само накратко се појави во нејзиниот проект за Нетфликс, With Love, Meghan, а се чини дека немаат планови за понатамошна соработка со оваа платформа откако ќе им заврши договорот.
Една од малкуте обврски што ги задржал Хари е неговата улога во компанијата BetterUp Inc, но дури ни таа не е од јавен карактер. Меган, од друга страна, продолжува да работи на нов подкаст и да ја гради својата кариера.
Иако Хари им е посветен татко на Арчи и Лилибет, извори тврдат дека тој не се согласува целосно со Меган околу тоа колку би требало нивните деца да бидат изложени во јавност. Додека Хари инсистира на приватност, Меган често ги вклучува во својот бренд и медиумски проекти.
ФОТО: Инстаграм
