Наместо на копно, годинава честитката за 8 Септември пристигна од длабочините на езерото, со сцена која привлече големо внимание.
На необичен начин беше одбележана 35-годишнината од независноста на Македонија. Во Заливот на коските во Охридското Езеро, нуркачи од центарот „Амфора“, заедно со припадници на специјалната единица „Тигар“, го развеаја државното знаме под водата.
Сцената се одвиваше во близина на Музејот на вода, а со овој симболичен гест учесниците сакаа да испратат порака по повод еден од најзначајните датуми во македонската историја.
Од „Амфора“ порачаа дека независноста ја одбележуваат со гордост, овојпат од место кое ретко може да се види во ваков контекст – длабочините на Охридското Езеро.
Поврзани објави
Необичната прослава уште еднаш покажа дека 8 Септември може да биде одбележан на различни начини, а фотографиите од знамето под вода му дадоа посебна симболика на годинашниот празник.
Screenshot Facebook
