Фото: Кабинет на претседателот на Република Албанија
Новата амбасадорка на Европската Унија во Албанија, Софија Мореира де Соуза, денеска ги предаде акредитивните писма на претседателот на Република Албанија, Бајрам Бегај.
Мореира де Соуза на оваа функција ќе го наследи италијанскиот дипломат Силвио Гонзато, кој досега ја претставуваше Европската Унија во Албанија.
Португалската дипломатка во Тирана доаѓа со долгогодишно искуство во европските институции и дипломатската служба. Пред да биде именувана за амбасадорка на ЕУ во Албанија, таа ја извршуваше функцијата шефица на Претставништвото на Европската комисија во Португалија.
Во текот на својата дипломатска кариера, Мореира де Соуза беше и амбасадорка на Европската Унија во Кабо Верде.
Нејзиното стапување на должност во Тирана доаѓа во значаен период за процесот на европска интеграција на Албанија и напредокот на земјата кон членство во Европската Унија.
Post Views: 118
Извор : vesnik-ilinden.com
Бегај ги прими акредитивните писма од новата амбасадорка на ЕУ во Албанија
