Јелена и Душко испратиле покани на адресите на 200 гости – членови на семејството, пријатели, соработници и колеги, односно на сите оние кои биле покрај нив и во добро и во зло.
Ќерката на Јелена Карлеуша и Душко Тошиќ, Атина Тошиќ, на 7 септември ќе го прослави својот 18. роденден, еден од најважните моменти во животот на секоја млада личност, па така и во нејзиниот.
Како што е веќе познато, поп-ѕвездата и нејзиниот поранешен сопруг полека ги привршуваат подготовките за гала-прославата на Атина, која ќе биде организирана во духот на луксузот и елеганцијата, со внимателно избрано свечено роденденско мени, како и сценографија, декорација и атмосфера што одговараат на една ваква посебна пригода.
Истата вечер својот 17. роденден ќе го прослави и Ника, која е родена на истиот датум, само една година подоцна.
Едноставна пресметка
Прославата на полнолетството на годината ќе се одржи во еден од најлуксузните белградски хотели, а Јелена и Душко испратиле покани до 200 лица – членови на семејството, пријатели, соработници и колеги, соученици и школски другари на Атина и Ника, како и до сите оние кои биле покрај нив и во добро и во зло во текот на изминатите 18 години исполнети со предизвици.
Посебно внимание е посветено и на свеченото мени, чија цена изнесува 150 евра по лице. Бидејќи на прославата се поканети 200 гости, со едноставна пресметка се доаѓа до сума од 30.000 евра, и тоа само за храна и пијалаци.
Оние кои имале среќа да добијат покана за двојната прослава, ќе имаат можност да уживаат во вистинска гозба. На менито ќе се најдат специјалитети од домашната и интернационалната кујна, кои ќе ги подготвуваат најдобрите готвачи, а ќе има и посебно вегетаријанско мени за гостите кои не консумираат месо.
Меѓу останатото, гостите ќе уживаат во брускети со домашен чаден лосос, гушчина паштета, крем од наут со тартуфи, шафранско рижото со едамаме, тиквички, млад грашок и маскарпоне, мариниран рамстек со крем-сирење, хумус со ајвар, кајмак со чварки, јунешки бифтек со сос од црн бибер, карпачо од чаден лосос, мешавина од морски плодови со орада…
Поврзани објави
Покрај тоа, на трпезата ќе има и бифтек со тартуфи во лиснато тесто, морски плодови на бузарa со парчиња бела риба, конфитирано месо од патка со сладок компир и портокал, печено јунешко месо во кора од бибер, потаж од аспарагус, супа од патка, мини-бургери со јунешко месо, јунешка гулаш-чорба, рибја чорба, српска муќкалица и скара со кајмак, домашна сарма, печено месо, паткин батак со пире од карфиол, аспарагус и сос од вино, како и различни салати.
И десертите што ќе се најдат на прославата ќе ги задоволат и најпрефинетите вкусови. Гостите ќе можат да уживаат во торта со лешници и малини, мус од бело чоколадо, јогурт и манго, сува пита со лешници, естер, реформа и естерхази-торта, тарт со јаболка и вишни, овошна торта, пуслици, свежо овошје и домашен овошен компот, профитероли со чоколадо и ф’стаци, костен-пире со мус од бело и црно чоколадо и уште многу други десерти.
За пијалак ќе се служат најквалитетен француски шампањ и италијански вина, а на располагање ќе има и домашно и странско пиво, домашна ракија, виски, џин, вотка, рум и различни аперитиви.
Да потсетиме, организацијата и грижата за сите детали околу прославата ги презела гордата мајка Јелена, додека таткото Душко немал ништо против да ги покрие трошоците за претстојната прослава и да покаже дека „сега сè е во ред“.
Душко е горд татко. Без разлика дали сме во добри односи или не, секогаш истакнував дека тој е фантастичен татко и дека децата многу го сакаат. Никогаш не се поставуваше прашањето дали тој ќе ја плати прославата. Може и мама, не е проблем – рекла ЈК за „Курир“.
Немаат никакви желби
Поп-ѕвездата претходно истакнала дека нејзините миленички немаат никакви посебни желби за роденденот.
Ќе биде многу убаво и како од бајка. Убаво е што во целата приказна се и мама и тато. Ќе има многу мои колеги, сите се одѕваа и рекоа дека ќе дојдат. Од срце и искрено ги поканив не да пеат, туку да бидат мои драги гости. Атина и Ника немаат никакви желби, буквално ништо. Атина сака розова, а Ника сина боја. Рекоа дека мама и тато се задолжени за сè. Тие се многу скромни – порача Карлеуша.
Инаку, двете ќерки на Јелена решиле да се занимаваат со јавна професија, па веќе извесно време се активни како инфлуенсерки.
