Table of Contents
По разводот од Анџелина Џоли, актерот се соочи со предизвиците на трезвеноста и откри како го пронашол внатрешниот мир
Актерот Бред Пит (62) во 2019 година призна дека имал проблем со алкохолот и побарал помош. Откако првпат престанал да пие, не се напил ниту капка алкохол во наредните седум години, сè до неодамна. Сега откри детали од своето патување кон трезвеноста, споделувајќи како неговиот однос кон овој начин на живот се променил во последната деценија.
„Бев трезен седум години“, изјави Пит за Esquire во интервју објавено на 10 август. „А потоа повторно му се вратив на порокот.“
Сепак, тој нагласи дека сега пие „на многу поумерен начин“, додавајќи:
„Неколкупати станав премногу самоуверен и си реков: ‘Не, не, ова не е добро за мене. Не во големи количини.’“
Во животот бара рамнотежа
За Пит, кој речиси четири години е во врска со Инес де Рамон, сè се сведува на пронаоѓањето рамнотежа.
„Можам да се напијам малку, но не можам многу“, објасни тој. „Морам да бидам одговорен во однос на тоа.“
Во разговорот, Пит се осврна и на својата емотивна природа, раскажувајќи како неодамна му кажал на пријател дека би сакал да биде посмирен.
„А тој ми рече: ‘Да, би можел да го направиш тоа. Би можел да одиш во ашрам и да станеш порамнодушен’“, се присети Пит.
„Но потоа рече: ‘Не знам. Верувам во човечкото искуство, а човечкото искуство значи дека сум тука за да го почувствувам сето тоа. Ги чувствувам сите тие работи – и екстремните височини и длабоките падови што ја раскинуваат душата.’“
Овој коментар целосно му ја променил перспективата на Пит.
„И тоа ме ослободи. Го слушнав тоа и си помислив: ‘Ќе престанам да се чувствувам како нешто да не е во ред со мене’“, откри актерот.
Пријател го поттикнал да побара помош
Поврзани објави
Низ годините, Пит отворено зборувал за своето патување кон трезвеноста, вклучително и за тоа како му се обратил на здружение за помош на алкохоличари откако неговата тогашна сопруга Анџелина Џоли во 2016 година поднела барање за развод.
Двајцата се родители на Медокс (24), Захара (21), Пакс (22), Шајло (20), Нокс (18) и Вивиен (18).
„Тоа беше периодот кога првпат престанав да пијам“, му објасни Пит на Дакс Шепард во јуни 2025 година, гостувајќи во емисијата Armchair Expert.
Зборувајќи за своите средби со Анонимните алкохоличари, тој додаде:
„Беше едноставно… неверојатно. Мажите ги споделуваа своите искуства, своите маани, погрешните чекори, желбите, болките, а сето тоа беше проследено и со многу хумор.“
Иако ѕвездата на филмот „Беше еднаш во Холивуд“ призна дека на почетокот му било тешко да се отвори пред другите, на крајот токму тоа направило огромна разлика.
„Бев навистина отворен. Се обидував со сè, со сè што некој ќе ми предложеше. Тоа беше тежок период. Ми требаше нов почеток. Морав да се разбудам и да се соочам со некои работи во одредени области од животот. И тоа навистина многу ми значеше. Сите беа толку отворени“, се присети тој.
Бредли Купер му бил инспирација
Зборувајќи за моментот кога првпат решил сериозно да му се посвети на трезвениот живот, Пит му се заблагодари и на актерот Бредли Купер, кој, како што вели, го инспирирал да го направи тој чекор.
Всушност, кога Купер му го врачи Оскарот за најдобар актер во споредна улога во 2020 година, Пит од сцената им порача на присутните:
„Се отрезнив поради овој човек. И секој ден оттогаш сум посреќен.“
Потоа му покажа палец нагоре на Купер и додаде:
„Ве сакам и ви благодарам.“
ФОТО: ИНСТАГРАМ
