Легендарниот пејач ја изненади публиката во преполната Арена, а емотивниот дует со Весна Змијанац предизвика вистинска еуфорија меѓу фановите.
Балканската музичка ѕвезда Весна Змијанац синоќа ја започна серијата од три солистички концерти во Белградска Арена, по повод големиот јубилеј – 50 години успешна кариера. Вечерта доби посебна емоција кога на сцената како специјален гостин се појави легендарниот Дино Мерлин.
Двајцата музички великани заедно го отпеаја безвременскиот хит „Јорговани“, а публиката во преполната Арена пееше во еден глас од почеток до крај. Настапот предизвика вистинска лавина од емоции и овации, а многумина го нарекоа еден од најсилните моменти на вечерта.
Поврзани објави
Концертите се организирани по повод половина век кариера на Весна Змијанац, а интересот беше огромен уште од првиот ден на продажба. Трите арени се распродадени до последно место, што уште еднаш потврди дека пејачката и понатаму е една од најголемите музички ѕвезди на Балканот.
Доаѓањето на Дино Мерлин во Белград било чувано во строга тајност за изненадувањето да биде целосно. Фановите не ја криеја среќата што повторно ги видоа заедно на сцена, а многумина коментираа дека нивниот дует и по толку години звучи моќно и емотивно како некогаш.
printskrin youtube -balkast – dino merlin
