Пејачката Јована Пајиќ отворено говореше за љубовта, бракот и односите, признавајќи дека повеќе нема желба повторно да застане на „лудиот камен“. По разводот од Александар Цветковиќ (Сале Тропико), со кого има две ќерки, Јована , за разлика од својот поранешен сопруг кој изјави дека е подготвен за втор брак, вели дека денес на бракот гледа потполно поинаку.
„Немам такви амбиции. Мислам дека тоа е надминато во смисла дека не ми гарантира никаква долговечност. Сметам дека добар однос со некого може да постои и цел живот, а да не е нужно поврзан со брак. Јас имам две ќерки кои пораснаа и кои ми се доволни во животот, немам амбиции да добијам уште деца. Дефинитивно никогаш повеќе нема да се омажам“, изјави пејачката.
Јована потоа искрено зборуваше за тоа колку денес ѝ годи мирот што го има во својот живот, но и како партнерските односи се менуваат со текот на времето.
„Мирот ми е сè. Нема прашања кога ќе дојдам дома: ‘каде беше’, ‘зошто така се облече’, ‘што правеше’, ‘зошто се дружиш со овој’… Едноставно, на почетокот сите сме прекрасни и сакаме да се воодушевиме еден со друг, па и она што е најлошо ни е преубаво“, објасни таа.
Како што вели таа, вистинските проблеми настануваат кога партнерите со текот на времето ќе престанат да се развиваат во ист правец.
„И нему му смрдат чорапите, и тој ќе дојде дома, ќе се завали на каучот и ќе менува канали и нема да има разбирање. Кога не се развиваш во иста насока и не си партнер, ти си осуден на разделување“, искрено заклучи Јована во емисијата „Ако проговорам“.
Фото: Инстаграм Принтскрин
