Во пријатна и елегантна атмосфера исполнета со убавина, инспирација и дружење, на 12 мај во „Цвет-бистро“ се одржа Naj Oleari Brunch, настан посветен на естетиката на убавината и најновата лимитирана колекција Petalicious на брендот Naj Oleari. Присутните имаа можност одблиску да се запознаат со брендот, инспирацијата зад колекцијата и со производите создадени со цел да ја нагласат природната убавина на секоја жена.
Инспирирана од нежноста, раскошот и суптилната убавина на божурот, колекцијата Petalicious ја слави женственоста преку свежи нијанси, лесни текстури и блескав изглед на кожата. Производите се осмислени да внесат свежина, природен сјај и префинета боја – како суптилен допир од пролет на лицето.
Гостите имаа можност да ги откријат производите од колекцијата, внимателно дизајнирани за природен, негуван и свеж изглед.
Bloomlight Eyeshadow Stick е кремаста сенка за очи со свиленкаста текстура која лесно се нанесува и остава блескав, современ ефект на погледот. Нежните светкави тонови додаваат длабочина и свежина, погодни и за дневна и за вечерна шминка.
Sun Glaze Tan Gel е гел што на кожата ѝ дава природен сјај и свеж, здрав изглед, како благо допрена од сонце. Неговата лесна формула се спојува со тенот и создава впечаток на одморено, сјајно лице.
Shade & Shine Luminous Blush е руменило со суптилни светки што ги освежуваат образите со природна боја и дискретен сјај, создавајќи младешки и жив изглед.
Поврзани објави
Lash Primer Mascara е база за трепки која ги подготвува пред нанесување маскара, давајќи им дополнителен волумен, густина и поизразен изглед.
Flirty Affair Balmy Lip Tint е балсам-тинт за усни што обезбедува лесна боја, хидратација и природен сјај, оставајќи ги усните меки, негувани и свежи во текот на целиот ден.
Посебен дел од настанот беше презентацијата на мејк-ап артистката Верче Оречовска, која несебично го сподели своето знаење и искуство со присутните. Таа изведе демонстрација на шминка на модел, користејќи ги производите од колекцијата „Petalicious“, при што откри корисни совети и техники за постигнување свеж, природен и блескав изглед.
Покрај убавината и инспирацијата, гостите уживаа и во пријатната атмосфера на Cvet Bistro, освежителна мимоза како пијалак за добредојде и внимателно подготвен бранч, што на целиот настан му даде дополнителна топлина и елеганција.
Со овој настан, Naj Oleari уште еднаш ја потврди својата препознатлива естетика — префинет спој на нежност, боја и природна убавина, со производи создадени да ја истакнат женственоста на суптилен и елегантен начин.
Текст и фото: ПР
