Високото ниво на корупција во земјава е сериозен проблем и за нас тоа претставува приоритетна задача.
Најавите за брзо подобрување на инфлациските прилики не се остварија. Секое можно зголемување на инфлацијата може да доведе до катастрофални последици, имајќи предвид дека така е структурирано нашето стопанство, изјави денеска претседателот на Стопанската комора, Бранко Азески, пред почетокот на конфедерацијата „Бизнис со интегритет”.
Компаниите, како што додаде Азески, информираат дека се целосно исцрпени и во неизвесност, поради општата несигурност на глобално ниво.
„Сметам дека државата располага со механизми со кои може да ја задржи контролата над ситуацијата, пред да се случи нешто што ќе бара интервенција со конкретни мерки.“
Ние одржуваме постојана комуникација со Владата, како преку нашите здруженија, така и преку нашите тела.
Инфлацијата претставува најголемо зло кое може да ја погоди една држава. Затоа, ќе инсистираме на сè што е можно да се задржи под контрола и да се искористат сите расположливи механизми. Доколку инфлацијата влезе во нашето стопанство, поради неговата специфична структура, последиците ќе бидат тешки и разорни.
„Неопходно е сите надлежни институции да придонесат за да не дозволиме ескалација на состојбата, барем во оној дел каде што можеме да влијаеме – кај домашната инфлација“, потенцираше Азески.
Компаниите, додаде тој, чувствуваат дека постои опасност. „Треба да се земе предвид временскиот период кој не зависи од нас. Ова е глобално прашање и мислам дека ние тука ќе бидеме само индиректно засегнати.“
„Да се надеваме и да бидеме оптимисти дека нема да се реализира најцрното сценарио, а тоа е, завршувањето на конфликтите што во моментов се решаваат во Обединетите Нации. Тоа ќе доведе до смирување на бизнисот, до намалување на инфлацијата и до елиминирање на сите негативни тенденции што се присутни во моментов“, подвлече претседателот на Стопанската комора.
Извор:МИА
