На почетокот на изминатата недела јавноста во регионот беше вознемирена од веста дека во дворот на вилата на легендарниот пејач Здравко Чолиќ, во населбата Дедиње, била фрлена експлозивна направа, при што е причинета материјална штета на објектот.
Според достапните информации, Чолиќ не се наоѓал во Белград во моментот на нападот, туку бил во Загреб, каде што работел на новите песни за претстојниот албум.
Во инцидентот нема повредени, а пејачот порачал дека најважно е што сите членови на семејството се добро.
Поврзани објави
Неколку дена по нападот, Здравко Чолиќ бил забележан на Златибор, каде што бил фотографиран во еден хотелски ресторан во друштво на обожавателите. Ова укажува дека тој извесно време престојува надвор од белградскиот дом, додека трае истрагата и се утврдуваат сите околности поврзани со нападот.
Во меѓувреме, надлежните органи одредија притвор за три лица осомничени за бомбашкиот напад, поради постоење опасност од влијание врз сведоците или повторување на делото.
Истрагата продолжува, а надлежните служби ги разгледуваат сите можни мотиви за овој сериозен инцидент, кој предизвика вознемиреност во јавноста.
Фото: Горан Десковски
