Пејачката отворено зборуваше за периодот кога била зависна од лекови за смирување и за тоа како тоа влијаело врз нејзините врски
Пејачката Рада Манојловиќ неодамна јавно проговори за еден од најтешките периоди во својот живот, откривајќи дека подолг временски период била зависна од лекови за смирување. Таа истакна дека соочувањето со проблемот било исклучително тешко и дека последиците ги чувствувала и психички и емотивно.
Појавувајќи се на снимањето на „Пинкови ѕвезди“, Манојловиќ призна дека шест месеци не можела да се ослободи од ксанаксот. Како што рече, станува збор за многу опасна зависност, која лесно се потценува, а од која тешко се излегува без стручна помош.
Поврзани објави
Таа нагласи дека јавно зборува за ова искуство како предупредување, посочувајќи дека многумина погрешно мислат дека лековите можат лесно да се прекинат кога ќе се посака. Пејачката апелираше вакви медикаменти да се користат исклучиво во крајна нужда и призна дека во процесот на закрепнување побарала помош и од психијатар.
Во истиот контекст, Манојловиќ се осврна и на своите емотивни врски, меѓу кои и на раскинот со колегата Харис Берковиќ. Таа објасни дека во периодот кога се борела со зависноста не се чувствувала подготвена за мајчинство, додавајќи дека личност која не може да се справи со сопствените проблеми, не е подготвена за одговорноста што ја носи детето.
printskrin youtube – pink rs – rada
