Поп-пејачката Ана Николиќ повторно се најде во центарот на јавноста поради сериозен инцидент што барал интервенција на полицијата во домот на нејзиниот партнер, композиторот Горан Ратковиќ – Рале.
Откако неодамна беа забележани заедно во јавноста и изгледаа смирено, што остави впечаток дека ги надминале претходните недоразбирања, набргу следуваше нов скандал.
Според достапните информации, Ана прво телефонски инсистирала на итна средба со Рале, но тој одбил, наведувајќи дека таа била под дејство на алкохол и ѝ предложил разговорот да го продолжат следниот ден. Наместо тоа, пејачката доцна навечер дошла пред неговиот стан.
Сведоците тврдат дека таа силно удирала по вратите со рацете и нозете, викала и барала да ѝ се вратат пари, со што го вознемирила целото соседство. Соседите излегле од своите станови и се обиделе да ја смират ситуацијата, но настанала жестока вербална расправија.
Во текот на инцидентот, Ана Николиќ, наводно, им упатила закани на соседите со зборовите:
Марш во дупка! Немојте да ви доведам клан да ве среди“, откако тие ѝ укажале да се оддалечи од зградата.
Поврзани објави
Поради ескалацијата на конфликтот, Рале ја повикал полицијата, која интервенирала и ја оддалечила пејачката од местото на настанот.
Соседите изјавиле дека сцената била вознемирувачка и дека Ана изгледала надвор од контрола. По инцидентот, според неофицијални информации, парот повторно се смирил.
Ана Николиќ и Горан Ратковиќ и претходно беа во центарот на медиумското внимание поради турбулентниот однос, кој често е проследен со јавни конфликти и смирувања.
Фото и видео: Инстаграм
