Питата од диња со купечки кори е совршениот десерт за викенд исполнет со одмор и уживање
Дињата важи за една од најздравите намирници, бидејќи е овошје со ниска енергетска вредност, а со голема количина на вода и витамини. Ретко се применува во кујната, но мора да ја пробате оваа сочна пита со диња.
Состојки:
- 2 јајца
- 4 лажици шеќер
- 2 лажици гриз
- 1/2 кесичка прашок за печиво
- 100 мл јогурт
- 50 мл масло
- 4 резанки диња
- 6 листа тенка кора за пита
Приготвување:
1. Изматете јајца со шеќер, додајте гриз и просеан прашок за печиво.
2. Додајте масло и јогурт и измешајте убаво.
3. Првата кора премачкајте ја со масло, а другите две премачкајте ги со 2 полни лажици од смесата со јајца.
Поврзани објави
4. Размачкајте ја смесата преку кората, па ставете ја третата кора одозгора и премачкајте ја со смеса од јајца.
5. На третата кора на дното ставете потенки резанки диња, свиткајте ги рабовите и завиткајте.
6. Наредете ги во подмачкан плех и прелејте ги со преостанатиот фил.
7. Печете на 200 степени, 40-45 минути додека зарумени.
8. Посипете со ванилин шеќер и шеќер во прав.
9. Пресечете ја оладена.
Од овие состојки ќе ви излезат околу 10 парчиња, а едно парче (околу 120 г) содржи 250-300 калории.
ФОТО: Јутјуб
