Здружението Инженери на Република Македонија (ИНРМ) создаде шаблон за пријавување на неправилности во ситуации кога на корисниците не им е обезбеден визуелен пристап до електричните броила. Ова е направено со цел да се поедностави процесот на поднесување пријави од страна на јавноста.
Секој засегнат потрошувач има можност да го земе образецот, да го надополни со потребните информации и да го испрати електронски или преку обична пошта.
“Врз основа на официјалниот одговор добиен од Министерството за енергетика, рударство и минерални суровини, ИНРМ изработи урнек за поднесување на претставка до Државниот инспекторат за енергетика, рударство и минерални суровини, кој може да го користи секој граѓанин што смета дека му е повредено правото на визуелен пристап до сопствениот струјомер,” изјавуваат од ИНРМ.
Министерството, додаваат тие, потврди дека токму Државниот инспекторат за енергетика е одговорен за спроведување инспекциски надзор во случаите кога операторот на електродистрибутивниот систем (ЕВН Македонија АД) не дозволува пристап до мерниот уред, што претставува кршење на член 164 став (1) точка 19 од Законот за енергетика.
Воедно, овој прекршок е казнет со глоба од 1,000 до 3,000 евра во денарска противвредност, согласно член 286 од истиот закон.
Од ИНРМ ги охрабруваат граѓаните на кои не им е дадена можност за директен увид во бројките на нивниот мерен уред, да го остварат своето право на пријавување, со цел да се заштитат како клиенти.
Претставката, според нив, е достапна на следните линкови: https://www.inzenerinarm.com/prevzemanje-dokumenti и https://www.facebook.com/share/p/16P8CmATVrJ/. (Фото: МИА архива).
Извор: МИА
