Барањето на хакерите е да се исплатат 4,5 милиони долари за да не објават информациите за пациентите на клиниката во Барселона.

Кибер-криминалистичката група “Рансом Хаус” минатата недела хакираше клиника во Барселона и во моментов бара 4,5 милиони долари да не се објават украдени податоци за пациентите. Владините претставници рекоа дека немаат намера да се согласат со барањата на хакерите, што ја натера каталонската полиција да предупреди дека постои голема веројатност податоците за пациентите да бидат објавени, пишува шпанската “Лавангардија”. Клиниката откажа повеќе од 4.000 тестирања на амбулаторните пациенти, повеќе од 300 операции и повеќе од 11.000 свежи посети, додека околните болници го презедоа лекувањето со радиотерапија на пациентите со карцином во првата фаза. Во клиниката се се работи рачно поради нападот и оттаму се надеваат дека до понеделник или вторник ќе се воспостави нормалното функционирање. Во меѓувреме, повеќе од 200 компјутери за вонредни ситуации беа инсталирани за да се обезбеди пристап до клиничката документација на пациентите, а 15 отсто од дигиталните системи беа обновени. Во Каталонија минатата година се случија 600 софтверски напади, главно мали кибер-миломи, кои претставуваат само еден процент од кибер криминалот. Според полицискиот вештак, истрагата за овој вид криминал ја отежнува фактот дека се случува од друг крај на светот, а шансите да се фатат криминалците се мали. “Ако мораме да одиме во другата страна на светот за да ги најдеме овие луѓе, ќе го направиме тоа. Комплицирана работа е тоа што тие поминуваат од земја во земја, кога ќе ги лоцираме”, изјави шефот на каталонската полиција. рп/