На денешната седница, Владата на Косово донесе одлука за укинување на царинските давачки за стоки кои се увезуваат од Соединетите Американски Држави.
“Друга многу важна одлука што ја донесуваме денеска е укинувањето на царинската тарифа со Соединетите Американски Држави”, изјавија од Владата.
Со оваа одлука, почнувајќи од сега, сите добра со потекло од Соединетите Американски Држави ќе бидат ослободени од царина при влез во земјата.
Премиерот Албин Курти на почетокот на седницата истакна дека: “Косово ги поздравува американските производи на својот пазар и цврсто веруваме дека тоа ќе влијае на зголемувањето на трговската размена и инвестициите”.
Според него, овој потег претставува уште еден доказ за одличните односи помеѓу двете држави, а истовремено ја демонстрира “посветеноста и решителноста” на Косово за постигнување на “договор за слободна трговија со Соединетите Американски Држави”, пренесе Бета.
“Во оваа пригода, сакаме уште еднаш да ја изразиме нашата благодарност за продолжувањето на компактната програма „Милениумски предизвик на корпорација“ за Косово од страна на администрацијата на претседателот Трамп, програма и инвестиција што се исклучително важни за нашата република, особено за енергетскиот сектор”, додаде Курти.
јт/Фото: Курти на Фејсбук, скриншот .
