Новата биографија на актерката Гвинет Палтроу ги открива можните причини за нејзиното раскинување со Бен Афлек
Новата биографија за Гвинет Палтроу што ја напишала Ејми Одел ги открива можните причини за раскинувањето на нејзината врска со Бен Афлек во 2000 година.
Во книгата со наслов „Гвинет: Биографија“ се открива дека Бен Афлек (52) можеби ја изневерил актерката (52).
Во статијата што ја објавил магазинот „Пипл“ пишува:
„Нивната физичка хемија не можела да ги надвладее неговите самоуништувачки пориви, кои можеби вклучувале и неверство.“
Според Ејми Одел, откако раскинале, Гвинет изјавила:
„Ги сакам мажите, иако се лажливи, неверни лошковци.“
Пороците биле единствената работа на која Афлек не можел да ѝ одолее. Како што навела авторката, за време на нивната врска Афлек имал проблем со алкохолизам и коцкање. Авторката на книгата додала дека пријателите на Гвинет биле воздржани со него, бидејќи тој не ѝ возвраќал секогаш на нејзината наклонетост.
„Понекогаш се чинело дека повеќе сака да игра видеоигри со другарите дома отколку да биде со Гвинет“, напишала Ејми Одел во биографијата.
На друго место во книгата, авторката пишува за нивниот интимен однос:
„Таа отворено зборуваше за тоа колку уживала во нивниот интимен живот. Еднаш на својот пријател и шминкер Кеви Окоен му кажала дека обожава кога практикуваат одреден интимен чин.“
За време на нивната врска, поранешната двојка заедно играла во два филма: „Вљубениот Шекспир“ од 1998 година, кој на Гвинет ѝ донел Оскар, и романтичната комедија Bounce од 2000.
Што кажала лично Гвинет Палтроу за раскинувањето?
Поврзани објави
Според порталот Entertainment Tonight, Гвинет во 2015 година му изјавила на Хауард Стерн дека Афлек тогаш не бил во состојба да има девојка.
Во таа пригода рекла:
„Мислам дека моите родители го ценеа тоа што тој е исклучително интелигентен, многу талентиран и духовит, но не беше во период од животот кога би можел да има сериозна врска. Мислам дека им беше драго што не останавме заедно.“
Неодамна, во епизода на подкастот Call Her Daddy од 2023 година, Гвинет го споредила Бен со поранешниот партнер Бред Пит.
Со Бред започнала врска во 1994 година, дури и се свршила со него. Сепак, ја раскинале свршувачката во 1997 година, бидејќи сметала дека е премлада за брак на 24 години. Потоа, три години била во врска со Бен.
На прашањето кој бил подобар во кревет, таа одговорила:
„Тоа е баш тешко. Бидејќи Бред тогаш беше љубовта на мојот живот со кого имав неверојатна хемија. А Бен беше технички совршен.“
На прашањето кого го смета за подобар актер, таа рекла:
„И двајцата се исклучително талентирани. Бен е одличен сценарист и режисер. Но ако зборуваме исклучиво за глума, веројатно би морала да кажам Бред. Кога ќе ги погледнете сите различни улоги што ги има играно.“
Денес, Гвинет има две деца со поранешниот сопруг Крис Мартин: ќерка Епл (21) и син Мозес (19).
Од 2018 година е во брак со сценаристот и режисерот Бред Фалчук.
ФОТО: Инстаграм
