Викторија Бекам и нејзината ќерка Харпер блеснаа на балетската претстава „Алиса во земјата на чудата“, одржана во Лондон, само еден ден откако нејзиниот сопруг Дејвид Бекам доби витешка титула по повод роденденските кралски одликувања. Со овој чин, поранешната членка на „Spice Girls“ и модна дизајнерка сега официјално го носи титуларното обраќање „Лејди Бекам“.
Викторија и Харпер Бекам беа гостинки во Кралскиот балет и опера, од каде што Викторија сподели фотографија од нивната ложа, истакнувајќи колку им било посебно вечерта.
Посебна ноќ на балетот. Те сакам, Харпер“, напиша таа во својата објава.
Додека Викторија носеше софистицирана комбинација од сиво здолниште, црна блуза и елегантен блејзер, Харпер беше облечена во нежно-розово фустанче.
Поврзани објави
Покрај семејната вечер, Викторија истакна и емотивна порака посветена на својот сопруг:
Ти отсекогаш беше мојот витез во сјаен оклоп, но сега и официјално: Сер Дејвид!!! Преисполнета сум со гордост. Твојата посветеност на сè што ти е важно – земјата, работата, страста, но најмногу семејството – никогаш не изостана. Те сакам бескрајно.“
Дејвид Бекам, поранешниот капитен на англиската фудбалска репрезентација, го доби ова признание поради неговиот исклучителен придонес во спортот и хуманитарната работа.
Фото: Инстаграм
