Бијонсе не распродала ниту еден концерт, а многумина сметаат дека тоа е така поради овие 3 тешки причини
Поп-иконата Бијонсе изгледа се соочува со неочекувани предизвици во лондонскиот дел од својата турнеја Cowboy Carter – до таа мера што, наводно, сега се делат и бесплатни карти.
Стотици карти останале непродадени за преостанатите датуми во Лондон, додека само ВИП пакетите се означени со „ограничена достапност“. Тоа звучи неверојатно, ако се сетиме дека минатата година Бијонсе додавала дополнителни датуми поради рекордната побарувачка.
Па како е возможно ѕвезда од нејзин калибар, која до вчера ги полнеше стадионите ширум светот, сега да има проблем да ги наполни салите? Дали причината лежи во различниот звук на албумот, презаситеноста на публиката, цените на картите – или нешто трето?
Постојат неколку потенцијални причини зошто овој пат Бијонсе потешко продава карти, за разлика од нејзината турнеја во 2023 година, како и сите претходни, со оглед на тоа што таа е најпознатата ѕвезда денес.
Првата причина е цената.
Поврзани објави
Одредени карти чинат и до 278 фунти. Со оглед на тоа што луѓето ширум Лондон, Велика Британија и Европа чувствуваат последици од растот на инфлацијата и општиот пораст на животните трошоци, овие високи цени не се прифатливи за многумина. Исто така, обожавателите не се воодушевени од албумот Cowboy Carter, кој е инспириран од кантри-музиката и значајно се разликува од песните од албумот Renaissance, како и од нејзините претходни дела.
Уште една потенцијална причина е поврзаноста меѓу неа и нејзиниот сопруг, Џеј Зи, со контроверзниот музички могул Шон Диди Комбс.
Моментално се водат повеќе кривични и граѓански постапки против Диди, во кои се наведува дека злоупотребувал, се заканувал и силувал жени и водел криминална организација, која вклучувала киднапирања, подметнување пожари и подмиткување. Џеј Зи бил наведен во една граѓанска тужба за сексуален напад, поднесена во име на анонимна жена.
Во таа тужба се тврди дека Џеј Зи и Диди наизменично ја напаѓале жртвата на забавата по МТВ наградите во 2000 година – што обајцата го негираат. Иако оваа тужба била официјално отфрлена, јавната природа на обвинувањето би можела негативно да влијае врз имиџот на Бијонсе.
Според информациите на порталот standard.co.uk, со цел да ги пополни местата во публика, Бијонсе сега бесплатно дели карти, и тоа на семејства кои зависат од народни кујни и од хуманитарна помош во локалните заедници.
ФОТО: Инстаграм
