Кој не се расправал со партнерот бидејки не разбира дека „зборовите на потврда“ се неопходни за вашето чувство на доверба во врската или дека се она што го цените најмногу?
Љубовта може да се изрази на многу начини, но не сите ја „слушаат“ исто. Понекогаш, двајца партнери навистина се грижат еден за друг, но се чувствуваат несфатени само затоа што „зборуваат“ различни јазици на љубовта.
Кои се точно петте „јазици на љубовта“ и како нивното разбирање им помага на нашите врски?
1. Зборови на потврда
Луѓето со овој љубовен јазик имаат потреба да ја слушнат љубовта иректно, јасно и искрено. Фрази како „Те сакам“, „Те ценам“, „Благодарам “ или „Многу значеше тоа што го направи“ можат да имаат огромно влијание. Овие личности се чувствуваат сакано кога партнерот ги изразува чувствата преку зборови на охрабрување, благодарност и афирмација без разлика дали е преку порака, белешка или директен разговор.
2. Квалитетно време
За овие луѓе, љубовта се изразува преку внимание и заеднички моменти. Тука не станува збор само за физичка присутност, туку за вистинска поврзаност без телефони, телевизори и одвлекување на вниманието. Важно е секој ден да се одвои време за разговор, заеднички активности, слушање и емоционална размена. Тоа може да биде прошетка, вечера, планови за иднината или едноставно седење и разговор со целосно внимание.
3. Примање подароци
Овој љубовен јазик не е за материјалност, туку за значењето и вниманието зад гестот. Мал подарок, изненадување или рачно направен симболичен предмет сето тоа кажува: „Мислев на тебе“. Важно е изборот да биде личен и внимателен, како знак дека го познавате партнерот и сте вложиле труд за да му го направите денот.
4. Акти на служба
Поврзани објави
Љубовта, за некои луѓе, се мери преку делата. Кога некој презема иницијатива да помогне, да заврши некоја обврска или едноставно да го олесни животот на партнерот, тоа е најјасниот знак на љубов. Било да е тоа миење садови, правење појадок или водење грижа за нешто што инаку би било товар, сето тоа покажува грижа, внимание и желба за заедничко олеснување на животот.
5. Физички допир
За овие личности, допирот е јазикот на блискоста и сигурноста. Прегратка, држење за рака, нежен допир по грб или лице, сето тоа може да значи повеќе од илјада зборови. Физичката поврзаност создава чувство на сигурност, спокој и поврзаност, особено кога се изведува со љубов и топлина.
Што ако имаме различни љубовни јазици?
Сосема е во ред и потполно нормално вие и вашиот партнер да зборувате различни љубовни јазици. Тоа не значи дека не сте компатибилни, туку дека треба да научите како да комуницирате појасно и со повеќе разбирање.
Како што објаснува д-р Кристи Оверстрит, клинички сексолог и психотерапевт:
„Нормално е да имате различни јазици на љубов, но клучот е да бидете јасни со партнерот за тоа што ви треба наместо да претпоставувате дека тие ‘треба’ да знаат.“
Бидете отворени и конкретни околу вашите потреби. Истовремено, обрнувајте внимание на тоа што му е важно на вашиот партнер и повремено прашајте го дали се чувствува сакано и исполнето. Кога ќе забележите дека партнерот се труди да ја изрази љубовта на начин што ви одговара дури и ако не му доаѓа природно покажете благодарност. Тоа создава чувство на меѓусебна почит и вреднување.
Фото: Pexels.com
