Водителката и актерка Наташа Аксентијевиќ првпат јавно проговори за еден од најтешките периоди од младоста – кога завршила во затвор поради политичкиот активизам.
Како што раскажа, сè се случило додека сè уште била ученичка во гимназија, кога учествувала во движењето „Отпор“, насочено против тогашниот претседател на СРЈ, Слободан Милошевиќ.
Тоа што денес повремено се спомнува во медиумите се случи пред триесет години. Бев уапсена во мојата гимназија, бидејќи добиле информација дека сум дел од „Отпор“, кој сакаше да ја смени тогашната власт. Полицијата ме приведе на разговор кој траеше долго – изјави Аксентијевиќ.
Таа истакна дека постапувањето на полицијата не било ни малку лесно за поднесување.
Поминаа повеќе од четврт век, а јас сè уште се сеќавам на секој детаљ. Ме држеа цел ден во ќелијата. Ми ги извадија врвките од чевлите, а со часови го чекав инспекторот. Не беа наклонети кон нас бидејќи ѝ се противевме на тогашната власт – раскажа таа.
Осврнувајќи се на предрасудите што некои актери ги имаат кон естрадата, таа додаде:
Го почитувам секое мислење, но смешно ми е кога глумци превртуваат со очите кога ќе се спомне естрадата. Таму има прекрасни луѓе, па дури и подобри пријатели од тие што сум ги сретнала во актерскиот свет – заклучи Наташа Аксентијевиќ во емисијата „Премиера – викенд специјал“.
Фото: Инстаграм
