Table of Contents
Дознајте како да се облекувате скромно, а да изгледате отмено со овие 7 едноставни правила
Постојат 7 едноставни правила со чија помош секоја жена, на која било возраст и со кој било приход, може да изгледа скромно, но со стил.
1. Едноставноста е новиот луксуз
Знаете ли што им е заедничко на жените од богатите семејства во Европа? Минималистичките детали. Тие не носат брошови „за секој случај“, светки на блузата или светли логотипа. Сè е крајно едноставно. Обичен капут, едноставен џемпер и рамни фармерки. Зошто функционира ова? Едноставноста секогаш изгледа поскапо од тоа да ставите сè на себе наеднаш. Кога парчето зборува само за себе, без потреба од дополнителна декорација, тоа веќе изгледа елегантно.
2. Природни материјали
Порано, во мода беа синтетичките џемпери, сјајните кабаници и растегливите фустани. Што повеќе сјај, тоа подобро. Но како што минуваат годините, станува јасно дека тактилноста е вистинската убавина. Лен, памук, волна, кашмир. Сè што е пријатно за телото и ѝ овозможува на кожата да дише. Дури и наједноставното парче направено од добар материјал, изгледа како да е направено по мерка. Запомнете дека синтетиката секогаш изгледа евтино.
3. Придушени бои
Многу жени сакаат да го „зачинуваат“ своето сиво секојдневје со светла облека: црвена, виолетова, зелена, неон-розова… На 20 и 30 години, ова може да изгледа смело. Но по 50-тата година, овие бои обично прават лицето да изгледа уморно, бидејќи се судираат со кожата и ги нагласуваат брчките.
4. Добар крој
Скромната облека не значи безоблична облека. Многу често жените купуваат работи со универзална величина или еден број поголеми, бидејќи се водат според мислата: „подобро да ми биде пријатно отколку тесно.“ Но ефектот е спротивен. Заедно со широките блузи исчезнуваат и струкот, држењето, енергијата. Вистинскиот крој може да направи чуда: вашата фигура ќе изгледа повита, а вратот ќе изгледа подолг.
Поврзани објави
5. Чисти обувки и одржувана чанта
Жените можат да поминат со часови одбирајќи џемпер, а да ги остават чевлите валкани, како да не се важни. На крајот на краиштата, обувките и чантата откриваат колку ви вреди имиџот во очите на другите. Чистите, уредни, одржувани обувки (дури и ако не се брендирани), секогаш изгледаат престижно. Истиот принцип важи и за чантата: зачуван облик, придушена боја, без скинати дршки и расипани патенти.
6. Минимални, но паметни додатоци
Вистинска уметност е знаењето како да се дозираат додатоците. Понекогаш пар обетки и добар пар очила за сонце можат многу повеќе да придонесат за изгледот од петте слоја накит. Помалку е повеќе.
7. Уреден стајлинг и негувано лице
Ниедна облека нема да ви помогне, ако косата ви е собрана во неуредна пунџа, а лицето ви е уморно. За жените од странство ова правило е закон: стилизирана коса, лесна шминка, негувано, природно лице. Немојте да се подмладувате, не го пребојувајте лицето, немојте да се криете зад тешка пудра. Водете се според следниов принцип: обликувани веѓи, нагласени усни и кожа што дише.
Резултатот?
Скромноста не значи сиромаштија. Да се биде скромен значи да се биде модерен, среден и достоинствен.
ФОТО: Инстаграм
