Италија направи сериозен чекор кон враќање во живот на нејзините јужни региони. Земјата планира да го стимулира економскиот развој преку значителни инвестиции – во брза железничка инфраструктура, пренесува Ројтерс.
Камен-темелникот на оваа иницијатива е претстојната брза железничка линија што ги поврзува Неапол и Бари, која има за цел да го намали времето на патување на половина – од 4 на 2 часа.
Делницата долга 145 километри, за која инвестицијата изнесува над 6 милијарди евра, делумно е финансирана од Планот за опоравување и отпорност на ЕК и е управувана од државната Ferrovie dello Stato (ФС).
Според првичните планови, линијата треба да биде завршена до 2028 година.
Проектот за брза железница најверојатно ќе создаде над 62.000 работни места и ќе генерира приближно 4 милијарди евра преку нови деловни можности за време на фазата на изградба.
Покрај непосредните економски придобивки, иницијативата има за цел да се справи со долгогодишниот проблем со депопулацијата во Јужна Италија. Помеѓу 2012 и 2022 година, повеќе од 330.000 млади луѓе го напуштија регионот во потрага по подобри можности.
Покрај тоа, воведувањето на услугата доведе до намалување на цените на билетите за 40%, што го прави патувањето со воз попривлечна опција за многумина.
