Болеста од која починала Луси Марковиќ погодува мал процент од популацијата, а покрај пецкање, затегнување на кожата, непријатно чувство и болка, предизвикува и низа психички проблеми
Хрватско-австралиската манекенка Луси Марковиќ, по низата зафати со кои лекарите се обидувале да ја спасат и да ја санираат артериовенската малформација во нејзиниот мозок, ја изгубила битката и починала на 27 години.
Болеста од која починала, погодува мал процент од популацијата. Артериовенската малформација се карактеризира со појава на изменети артерии и вени, кои директно комуницираат едни со други, заобиколувајќи ја капиларната мрежа. Поради масивното крвавење, тие се класифицираат како абнормалности кои се потенцијално опасни по живот.
Најчесто се појавуваат во пределот на главата и вратот. Присутни се од раѓање, а поретко може да се појават како последица на траума, проширување на волуменот на крвните садови, во случај на сепса, бременост или пубертет. Најчесто се наоѓаат на образот, увото, носот и челото.
Поврзани објави
Изменетите крвни садови се видливи на кожата на лицето, деколтето и нозете и не се само естетски, туку и медицински проблем. Пациентите најчесто бараат лекарска помош откако ќе забележат симптоми како пецкање, затегнување на кожата, непријатно чувство или болка. Тие предизвикуваат нетолеранција на козметика која се користи во секојдневната хигиена. Исто така, можат да доведат и до ограничување на физичките активности.
Неугледната појава на васкуларни промени, особено на оние што се појавуваат во пределот на лицето, предизвикува низа психички проблеми, кои можат да доведат до нарушување на семејниот и професионалниот живот.
Сепак, најсериозните симптоми предизвикуваат малформации во централниот нервен систем (напади, главоболки). Поради тоа, артериовенските малформации може да бидат не само извор на болка, воспаленија, отоци и сериозно крвавење, туку може да доведат и до конгестивна срцева инсуфициенција. Кај венските малформации може да се развијат разни нарушувања на коагулацијата, поради што доаѓа до тромбоза.
ФОТО: Инстаграм
