Начин на ихрана кој го следат и познатите како Викторија Бекам, Џенифер Анистон и Гвинет Палтроу.
Веќе неколку години, Викторија Бекам ги следи принципите на исхрана од книгата Honestly Healthy Alkaline Programme, напишана од познатиот лондонски готвач и нутриционист Наташа Корет (полусестра на Сиена Милер, чии клиенти се Роби Вилијамс и Натали Имбруглија) и нутриционистката Вики Едсон.
Книгата содржи прекрасни фотографии и рецепти, како и основни упатства за „нов начин на живот“, кој дава приоритет на храната која, кога ќе се внесе, станува алкална (за разлика од храната што формира киселина).
Што е алкална диета?
Се верува дека телото функционира оптимално кога се одржува киселинско-базната рамнотежа, при што pH нивото на крвта треба да биде помеѓу 7,35 и 7,45 (што значи малку алкална средина), додека желудникот треба да остане кисел. Ако крвта е премногу кисела, може да се појават метаболички нарушувања: храната помалку се апсорбира, има недостаток на минерали и елементи како што се калиум, магнезиум, калциум и натриум, таложење на маснотии, зголемено производство на слуз, намален имунитет, влошување на квалитетот на косата и кожата, како и намалување на нивото на енергија.
Иако премногу алкалност може да предизвика проблеми, тоа ретко се случува кај современите луѓе кога поголемиот дел од храната што ја јадеме денес создава киселина. Зголемена киселост може да се појави и поради брзиот начин на живот и стресот. Дури и интензивната кондиција може да ја наруши рамнотежата во корист на киселоста.
Која храна е дозволена, а која не?
Храна што формира киселина:
Храна од животинско потекло (месо, пилешко, риба – освен пастрмка и лосос, морска храна, животински масти, млеко, сирење, јајца)
Мед
Производи од бело брашно
Бел ориз
Печурки
Кечап, сенф
Вештачки засладувачи, слатки
Кафе, газирани пијалоци, црн чај и повеќето алкохолни пијалоци
Поврзани објави
Алкална диета и алкална храна:
Зеленчук, бобинки и други овошја (дури и оние со кисел вкус како зелени јаболка, јаболков оцет, лимони, лимети, домати, грејпфрут, калинки)
Суров спанаќ (кога се готви станува киселински)
Јаткасти плодови
Морски алги
Зелен лиснат зеленчук
Цели житарки (овес, леќата, просо, киноа)
Банани, суво грозје и друго сушено овошје
Свеж ѓумбир
Кокосово и бадемово млеко
Маслиново, кокосово, ленено семе и масло од грозје
Авокадо
Страсните поддржувачи на алкалната диета, како Викторија Бекам, веруваат дека дневниот внес треба да се состои од 80% алкална и само 20% храна која формира киселина. Сепак, повеќето нутриционисти советуваат дека дури и 2/3 дел од алкалната храна во исхраната би биле доволни.
Што велат експертите?
Не сите нутриционисти се согласуваат дека алкалната диета е универзално решение за здравјето и младоста. Не е целосно докажано колку pH вредноста на желудникот влијае на целокупната киселинско-базна рамнотежа на телото.
Оксидативните процеси во телото се постојани – така сме еволуирале. Природата ни дала бројни механизми кои независно одржуваат киселинско-алкална рамнотежа. Затоа, прекумерната алкализација на телото може да биде штетна.
Меѓутоа, во случаи на интензивно губење на тежината, во крвта се создаваат мноштво метаболички отпадни производи, па алкалната храна може да му помогне на телото во детоксикацја.
Исто така, се препорачува да се пие половина литар топла алкална вода на празен стомак. Најдобар начин да се добие ваква вода е со алкални филтри – најквалитетните доаѓаат од Јапонија.
Фото: Pexels.com
