Диетата FAST 800 стана популарна меѓу оние што сакаат брзо да ослабат, но експертите предупредуваат дека не е за секого
Многумина се прашуваат како првата дама на Америка изгледа двојно помладо во шестата деценија, а тајната е во рестриктивната исхрана што ја применува. Диетата FAST 800 не е за секого, но изгледа дека е полн погодок за Меланија Трамп.
Оваа многу рестриктивна диета се заснова на внесување само 800 калории дневно, што драстично го намалува калорискиот внес и го принудува телото да ги согорува масните наслаги. Но нутриционистите истакнуваат дека медицинскиот надзор е неопходен за успешна примена на оваа диета.
„Внесувањето само 800 калории дневно може да биде многу напорно за организмот, а за да одбегнете дефицит на хранливи состојки, треба да користите посебно смислени препарати што ќе ви ги обезбедат сите потребни хранливи материи“, објаснуваат нутриционистите.
Ваквите препарати, што се користат во оваа исхрана, се создадени за да ги обезбедат сите неопходни витамини, минерали и протеини, но ова е диета што ретко се користи надвор од медицинско опкружување.
Поврзани објави
Иако многумина го одбираат овој план на исхрана за да ослабат за многу кратко време, нутриционистите нагласуваат дека најважна е персонализацијата на диетата.
„Најдобрата диета е онаа што е приспособена на специфичните потреби на поединецот, со детален нутритивен статус“, откриваат нутриционистите, додавајќи дека здравите луѓе можат да ја користат оваа исхрана најмногу четири недели.
Диетата Fast 800 не е само средство за слабеење: во многу случаи се користи како медицинска интервенција за пациенти со сериозни здравствени проблеми. Експертите посочуваат дека оваа диета е наменета само за одредени пациенти и дека брзото слабеење не мора да значи и подобар квалитет на живот.
Поради екстремно намалениот број на внесени калории, оваа диета не е погодна за секојдневно функционирање и за извршување на вообичаените активности. Пред да започнете ваква диета, важно е да се консултирате со експерт, бидејќи секоја промена во исхраната треба да биде под строг надзор.
ФОТО: Принтскрин Инстаграм
