„Ауди“ се запалило вчера во Ѓорче Петров, пожарот зафатил уште еден автомобил

Фото: илустрација
Автомобил „Ауди“ вчера се запалил при стартување на автомобилот во скопската населба Ѓорче Петров, соопшти полицијата.
„На 30.12.2024 во 12.20 часот во СВР Скопје било пријавено дека на подрачјето на Ѓорче Петров настанал пожар во патничко возило „ауди“ со скопски регистарски ознаки, сопственост на М.Н.(44) од Скопје. Според пријавеното, пожарот настанал при стартување на возилото и притоа делумно било зафатено и патничко возило „хјундаи“ со скопски регистарски ознаки, кое било паркирано до возилото „ауди“. Пожарот бил изгаснат, а повредени лица нема“, велат од МВР.