Пејачката Ана Бекута не даваше изјави за медиумите од смртта на нејзиниот партнер, политичарот Милутин Мркоњиќ во 2021 година, но сега направи исклучок и разговараше со српските новинари за претстојните празници.
Имено, Ана откри дека со публиката на црногорското приморје ќе влезе во 2025 година.
– За пречекот на брегот очекувам извонредно време. Музичката програма оваа година, и не сакам да си придавам премногу признанија, е феноменална и се надевам дека публиката ќе ужива во неа. Тоа ми е најважно. И без снег, со добра храна, сместување, музика и вино, може да биде феноменално. Ќе дојдам во Црна Гора неколку дена порано. Секогаш си дозволувам тој ден да бидам одморена, поспана и расположена. И да уживам, дојде време кога можам да си дозволам такви моменти – изјави на почетокот Бекута.
Бекута ги спомна и своите новогодишни желби.
– За тоа подоцна. Ќе одлучам на полноќ што ќе биде и која е таа желба. Што се однесува до новогодишниот стајлинг, малку повеќе се дотерувам. Сè ќе биде подготвено, има време. Отсекогаш сум била свој Дедо Мраз, и му благодарам на Бога дека е така – додала пејачката.
Поврзани објави
Една од најценетите српски пејачки на народната музика откри дали верува во приказните дека на оној што ќе облече црвено за новогодишната ноќ ќе му придружува среќа и дека ќе му се остварат сите желби.
– Како на кого. Се обидов и со тоа, но ништо не ми значеше, ниту пак донесе некакво подобрување. Најважно е што чувствуваме и со какви мисли влегуваме во Новата година.
На крајот, на прашањето како се чувствува сега по смртта на партнерот и другите проблеми кои ги имаше, Ана кусо рече:
– Добро сум, благодарам. Супер сум – заклучила Ана Бекута за „Курир“.
Фото: Инстаграм Принтскрин https://www.instagram.com/anabekuta1/
