Меѓу уапсените поради падот на настрешницата на железничката станица во Нови Сад се двајца инженери од компанијата „Ежис“, која ги надгледувала работите и вработен во Институтот за сообраќај, кој ја проектирал реконструкцијата на станицата, пренесува Н1. Вишото јавно обвинителство во Нови Сад претходно соопшти дека во врска со трагедијата во Нови Сад се уапсени 11 лица. Соопштено е дека се сомничат за сторено кривично дело Тешко кривично дело против општата сигурност од член 288 став 2 од Кривичниот законик во врска со кривичното дело Нередовно и неправилно извршување градежни работи. Меѓу единаесеттемина 11 уапсени, се и министерот за градежништво, транспорт и инфраструктура, кој поднесе оставка, Горан Весиќ, како и директорката на Железничката инфраструктура на Србија, Јелена Танасковиќ, која вчера поднесе оставка. Адвокатот Иван Ниниќ за Н1 вели дека во нормални околности информациите за апсењата треба да влеваат оптимизам, но дека тој не е оптимист. Правниот советник Владица Илиќ, од белградскиот Центар за човекови права, истакна дека довербата е изгубена.
Коментирајќи го тоа што Обвинителството го објави, дека се уапсени и приведени 11 лица, повикувајќи се на иницијали, меѓу кои и Горан Весиќ, кој на Инстаграм објави дека не е уапсен, туку дека доброволно одговорил на повикот на полицајците, Владица Илиќ вели дека ситуацијата не е јасна.
„Колку што знам, кога некој е уапсен, не може да има пристап до Интернет, да пишува статуси на социјалните мрежи. Тоа е прашање за Обвинителството. Или тие иницијали не се иницијали на Горан Весиќ или со него се постапува на начин на кој не треба“, вели Илиќ. Според соопштението од Обвинителството, уапсените се сомничат дека сториле кривично дело против општата безбедноста во врска со кривичното дело Предизвикување општа опасност. Заедно со Јелена Танасковиќ, вчера оставка поднесе и министерот Томислав Момировиќ, кој не е меѓу уапсените. Според Ниниќ, тие оставки биле изнудени и договорени во врвот на СНС.
„Томислав Момировиќ на скандалозен начин доцна поднесе оставка. Доколку се поднесе од морални причини, се поднесува во рок од 48 часа. Оставките на Момировиќ и Танасковиќ не само што беа изнудени, туку и договорени во врвот на СНС, беа жртвувани“, вели Ниниќ.
