Во рамки на работната посета на Берлин, со претседателот на Владата и колегите министри присуствуваме на самитот што се одржува во рамките на „Берлинскиот процес“, а остваривме значајни средби со канцеларот на Сојузна Република Германија, Олаф Шолц, како и со пратениците од сестринската партија ЦДУ.
Во фокусот на разговорите беше посветеноста на Владата за спроведување на клучните реформи и потребата од забрзување на евроинтегративниот процес. Зборувавме и за значењето на „Берлинскиот процес“ за регионот, како и за резултатите и конкретната работа на домашен терен кои ќе ги приближат стандардите на унијата и ќе донесат вистински бенефит за граѓаните. Агендата продолжува утре, со билатерална средба со германската министерка за надворешни работи, Аналена Бербок.
