Table of Contents
Дејвид Рокфелер живеел 102 години, а наводно имал дури 7 трансплантации на срцето
Дејвид Рокфелер, припадник на едно од најбогатите и највлијателните семејства во американската историја, починал во 2017 година на 102 години. Но неговата долговечност не се должела само на генетиката, луксузниот живот или пристапот до најдобрата здравствена заштита, туку и на низа контроверзни медицински интервенции кои многумина ги навеле да се запрашаат до каде може да оди човекот во обид да ја прелаже смртта?
Дури седум трансплантации на срцето?
Една од најчестите шпекулации е дека Дејвид Рокфелер имал дури 7 трансплантации на срцето, а одредени извори наведуваат и дополнителни операции на други витални органи, како бубрезите. Овие тврдења никогаш не биле официјално потврдени од страна на неговото семејство, ниту од медицинските установи, но станале урбана легенда и често се цитираат во алтернативни медиуми и теории на заговор.
„Секогаш кога ќе добијам ново срце, како да ми прострујува нов живот низ телото. Се чувствувам подмладено и полн сум со живот“, им се пофалил Дејвид на новинарите само 36 часа по операцијата и додал:
„Во животот имам заработено многу пари, но поголемиот дел ги имам подарено. Нема поента да ги задржите тие пари само за себе“, рекол Рокфелер, кој бил полн со оптимизам, желба и надеж дека ќе успее да живее два цели века.
Но смртта го изненадила на 102 години.
Според овие шпекулации:
- Првата трансплантација на срце ја имал во своите доцни 60-ти години.
- Последната, седмата, била изведена кога имал повеќе од 100 години.
- Покрај срцето, Рокфелер наводно ги менувал и бубрезите, а и дел од црниот дроб.
Поврзани објави
Не постојат валидни медицински докази за овие информации, но факт е дека Дејвид Рокфелер живеел исклучително долго и бил активен речиси до самиот крај на животот, што само дополнително ги подгревало теориите за тајните операции, неограничениот пристап до елитната медицина, па дури и за бесмртноста на богаташот.
Контроверзии и критики
Додека едни го истакнувале неговиот придонес за економијата, филантропијата и уметноста, други го критикувале поради наводниот обид да си го продолжи животот по секоја цена. Критичарите ја доведувале до прашање моралноста на толкавиот број трансплантации на срце во свет кога милион луѓе умираат чекајќи органи. Дали богатството навистина може да купи време? И дали медицинската етика е еднаква за сите?
Официјален молк
Интересно е што семејството Рокфелер и официјалните биографи никогаш не ги потврдиле ниту демантирале овие тврдења. Во официјалните извештаи за неговото здравје се споменуваат само повремени здравствени проблеми, кои биле успешно решавани, но нема никакви детали за трансплантации.
Живот посветен на влијанието
Дејвид Рокфелер бил последниот преживеан внук на Џон Д. Рокфелер, основач на нафтениот гигант Standard Oil. Бил банкар, филантроп, претседател на банката „Чејз Менхетен“ и основач на бројни меѓународни фондации. Неговиот живот бил пронижан со деловни успеси, контроверзии, но и постојани обиди да остави траен печат – не само во историјата, туку и во телото, кое, според шпекулациите, било поправано безброј пати.
ФОТО: Пинтерест
