Жените кои имаат темни, долги и бујни трепки имаат среќа, бидејќи лесно можат да го прескокнат чекорот за нанесување маскара, но за среќа, знаеме и други начини да ви помогнеме да ги добиете трепките од соништата без маскара.
Вештачки трепки
Вештачките трепки се одличен начин да го зачините вашиот изглед без потреба од многу шминка. Треба само да соберете колекција од секакви типови на трепки, различни должини, дебелини, бои, изработени од разни материјали. Со соодветна грижа и складирање, можете да ги користите до пет пати. И полесно ќе ги отстраните од маскарата.
Надградба на трепки
На овој начин трепките изгледаат поприродно и ќе ги задржите подолго време. Откако ќе поминете едночасовна процедура за надградба на трепките, нема да размислувате на маскара дури еден месец. Тие се погодни за жени со чувствителни очи и леќи.
Мора да знаете дека не смеете да ги триете очите доколку имате вакви трепки, морате многу внимателно да ја миете и отстраните шминката (особено сенката за очи). Ова е одличен избор за невестите, да не се грижат за дамките од маскара додека пливаат во солзи радосници.
Поврзани објави
Фарбање на трепките
Фарбање на трепките не се препорачува само за девојчиња со светли трепки, туку и за жени со темни трепки (често избледени поради возраста или избледување на сонце). На овој начин лесно можете да дојдете до впечатлив изглед на трепките, но овој метод не влијае на должината, дебелината и волуменот на кратките и ретки трепки. Можеби ќе треба да комбинирате и да користите маскара.
Средства за раст на трепките
Специјалните серуми, гелови и масла ветуваат значително зголемување на должината, густината и дебелината на трепките. Покрај природните масла (кокос, бадем), во серумот се додаваат протеини, витамини и активни молекули. Средствата за раст на трепките треба да се нанесуваат еднаш или двапати на ден. Резултатот е видлив само по 3-4 месеци, но ефектот престанува веднаш штом престанете да ги користите производите.
Фокусирајте се на усните
Ако сте против каква било интервенција во изгледот на трепките, шминкерите тврдат дека црвените усни се одличен избор, така што сите очи ќе бидат насочени кон долната третина од лицето и никој нема да го забележи горниот дел и несредените трепки.
