Table of Contents
Ви откриваме кои се четирите најдобри фризури за тенка и ретка коса
Не е лесно да се пронајде совршената фризура за ретка коса. Потребно е нешто што ќе додаде волумен, ќе ја истакне текстурата, а истовремено ќе изгледа модерно и практично. Токму затоа, најдобро е да се одбере боб-фризура – безвременски стил што последниве години повторно ги освојува жените ширум светот. Освен што визуелно ја згуснува косата, оваа фризура е едноставна за одржување и секогаш изгледа софистицирано.
Зошто да одберете боб-фризура?
Боб е фризура што никогаш не излегува од мода. Неговата најголема предност е флексибилноста – може да биде класичен и рамен, слоевит, брановиден или во комбинација со кркми. Кај тенка и ретка коса, боб-фризурата:
- создава илузија на погуста коса
- едноставна е за стилизирање и одржување
- прилега и за дневни и за вечерни пригоди
- ги нагласува цртите на лицето и линијата на вратот
Класичен боб за уреден и софистициран изглед
Класичниот боб, потстрижан рамно во линија на вилицата, е одличен избор за жени кои претпочитаат минималистички и елегантен стил. Кај ретката коса, овој рез создава впечаток на погусти влакна, бидејќи сите се со иста должина. Со додавањето патец на средината, се добива издолжен, женствен ефект.
Слоевит боб за дополнителен волумен
Ако косата е особено ретка, слоевите се вистинското решение. Тие даваат динамика и движење, а фризурата изгледа поразиграно и пополно. Слоевитиот боб лесно се обликува и не изискува многу труд – доволно е малку пена или спреј за волумен.
Поврзани објави
Боб со кркми за младешки ефект
Кркмите се совршениот додаток на боб-фризурата. Може да бидат густи и рамни или лесни и прозрачни, а во двата случаи создаваат илузија на повеќе коса и го освежуваат изгледот. Долгите завеса-кркми го врамуваат лицето и ѝ даваат романтична нота на фризурата.
Брановиден боб за природен волумен
Меките бранови се најдобриот трик за тенкото влакно. Боб-фризурата со благи кадрици изгледа лежерно, но модерно и ѝ дава на косата природна текстура и волумен. Ефектот лесно се постигнува со фигаро со широк пречник или со едноставно плетење на косата додека е мокра.
Совети за стилизирање ретка коса со боб-фризура
За да изгледа боб-фризурата што подобро на тенка и ретка коса, важно е правилно да ја негувате и стилизирате:
- одбирајте шампони и балсами кои даваат волумент
- одбегнувајте тешки препарати кои ја оптоваруваат косата
- сушете ја косата така што ќе ги подигнувате перчињата кон коренот
- користете спрејови за текстура или морска сол за природен волумен
