Додека некои ѕвезди ги тестираа границите на модата во Кан, Џенифер Лоренс ни покажа како вистински се облекува високата класа. На легендарното скалило пред Палатата на фестивалот, „оскаровката“ заблеска во вечерна тоалета инспирирана од креација на Кристијан Диор од 1949 година, позната како „хартиениот фустан“.
За премиерата на новиот филм „Die, My Love“, во кој глуми со Роберт Патинсон, Џенифер Лоренс избра деликатен, но скулптуарен крој од модната куќа „Диор“.
Мека свила со нежни набори, отворени раменици и длабоко деколте во грбот, заокружени со едноставен свилен појас – секој детаљ е плод на вкупно 250-часовна рачна изработка. Тоа е шик спој на ретро-вибрации и лежерна елеганција, вистинско ехо на златната ера на Холивуд.
Од мирисот „Miss Dior“ до модниот булевар
Првично создаден како дел од кампањата за парфемот Miss Dior во 1949 година, прочуениот „Poulenc“ фустан го доби името по пријателот на Диор – францускиот композитор и пијанист Франсис Пуленк. Сега, преку вештите раце на мајсторите во Париз, тој оживеа во нова варијанта – вистинска модна бајка под канското сонце.
Поврзани објави
Двојна доза Диор
Но Џенифер не застана тука. На гала-вечерта организирана од „Диор“ и The Hollywood Reporter, таа привлече внимание со уште еден префинет фустан: макси-фустан со фини цветни апликации, долг ракав и проѕирни детали. Овој боемски, а сепак софистициран ансамбл докажува дека нејзиниот стил ги испочитува и најстрогите дрескод-правила на фестивалот.
Според Vogue, Лоренс само што пристигна во Кан, а веќе ни подари две беспрекорни модни изданија – вистински мајсторски потег што го зголемува сјајот на „Le Croisette“.
Фото: Инстаграм
