Чеченскиот лидер вели дека уште три илјади негови борци се спремни да заминат во Украина

Рамзан Кадиров / Фото: EPA-EFE/ALEXEY NIKOLSKY
Чеченскиот лидер Рамзан Кадиров изјави дека уште 3.000 негови борци се подготвени да заминат да се борат во Украина како дел од единиците на руското Министерство за одбрана и силите на руската Национална гарда. „Тие (борците) ја имаат најдобрата опрема и модерно оружје. Покрај тоа, момците се многу борбени и високо мотивирани да постигнат резултати“, напиша Кадиров на Телеграм.
За Кадиров војната во Украина е бедем против „западната агресија“.Тој во мај изјави дека Чеченија испратила повеќе од 26.000 борци да се борат во Украина како дел од руските сили од почетокот на руско-украинската војна.